Peut-être scruter

EpisrnES. 19

Mais plus beaucoup qu'aultre chose légère, A celle fin que franc vouloir t'ingère Mettre en papier et me faire assavoir De tes actes, que désire sçavoir, Ausquelz feray, par la grâce divine, Briefve responce avant qu'on le devine; Et pour autant que le tien aymé gendre , Lequel ennuitz et tristesses n'engendre, M'a ce matin prié de mettre en voye Et de t'escripre ce peu que je t'envoye, Qui est basty d'ung sang groz et rustique, Et d'ung ouvrier lourt, sot, et fantastique, Comme verras en lisant cette epistre, Qu'escripte j'ay sur mon petit pupiltre. Il te plaira sans descendre ung degré Le mien vouloir prandre et cueillir en gré, Priant à Dieu, faisant fin à mes dictz De te donner santé et Paradis.