I. Que je sols

d'une Dame. 79

Que son gentil voulloir m'asseure De me tenir foy et promesse.

Neantmoins, vray comme la messe, Bien souvent, en lieu de filer, De mes deux yeulx larmes sans cesse Tombent et cheent en grant tristesse Et regretz les font distiller.

Nul, tant soit cler, apostiler Ne sçauroit au vray ma pensée, Ne mon désir adnichiler, Ne ma volunté compiler Pour en estre recompensée • .

Il ne m'enchault d'estre tensée Pourveu que de mon entreprise Je sois à jamais dispensée * , Et de mon vray amy pensée , En la façon qu'il m'a aprise.

Puisqu'amours m'a ainsi surprise.

De luy voicy que je conclus, Je ne dois point estre reprise Si de bon cueur je l'ayme et prise.

Velà que je dis, et non plus.

1 . Ni parvenir à apprécier la volonté' que j'ai d'être récompensée de ce désir, ou par cet amant.

2. Pourvu que l'objet de mon entreprise me soit accordé pour jamais.