I . Mari trompé

78 Monologue

Mauldict soit qui en mentira,

Et qui ne dira vérité !

Il est vray qu'amours m'a tiré

Devers quelqu'ung qui retira

Mon cueur de grant captivité.

Mon esprit estoit irrité

D'ung tas de bailleurs de beaulx jours,

Qui soubz couleur d'auctorité,

Vouloient, d'une imbecilité,

Que les aymasse par amours.

.Te les ay trouvé gros et lours

Par autant que presumption

Les contraignoit faire des tours

Phisieurs menées et destours

Mal mondains, soubz correction.

Quant à moy, j'ay intention

N'en aymer qu'ung, toute ma vie,

Où je prens consolation,

Qui est sans reprehention,

Sur lequel aucuns ont envye ;

Et ne sçaurois estre assouvie

De le veoir cent foys en une heure.

.Te suis de luy si tresravie.

Et en amour tant asservie

Que j'ay grant peur que je n'en meure ;

Mais s'il advient qu'il me demeure.

Me voila conficte en liesse ;

Présupposé que je suis ' seure