LE BLAZON DES DAMES
en Dialogue.
Beau Parler commence.
onneur aux dames !
Recueil Gracieulx.
C'est raison.
Beau Parler.
Il leur est deu.
Recueil Gracieulx.
Toute saison.
Beau Parler.
Dames doibt-on aymer, priser.
Recueil Gracieulx.
D'en dire tout bien y viser.
Beau Parler.
Je ne sache meilleur blazon.
Recueil Gracieulx, Aux dames n'a comparaison.
Beau Parler.
Es champs, es villes, en maison, Chascun en doibt bien deviser.
124 Blazon
Recueil Guacieulx.
Honneur aux dames!
Beau Parler.
C'est raison.
Recueil Gracieulx.
Il leur est deu.
Beau Parler.
Toute saison.
Recueil Gracieulx.
Dames doibt-on aymer, i)riser.
Beau Parler.
Qu'en dirons-nous plus?
Recueil Gracieulx.
Advison.
Beau Parler.
Ceux qui en mesdient?
Recueil Gracieulx Desprison.
Beau Parler.
Ceulx qui les blasment?
Recueil gracieulx.
Deviser.
Beau Parler.
Ceulx qui les diffament?
Recueil Gracieulx.
Brizer.
DES Dames. i25
Voilà bonne terminaison.
Recueil Gracieulx.
Honneur aux dames !
Beau Parler.
C'est raison.
Recueil Gracieulx.
Il leur est deu.
Beau Parler.
Toute saison.
Recueil Gracieulx.
Dames on doibt aymer, priser.
Beau Parler.
D'en dire tout bien y viser.
Recueil Gracieulx.
Je ne sache meilleur blazon.
Beau Parler.
Dames ont le bruict.
Recueil Gracieulx.
A foison.
Beau Parler.
Les hanter...
Recueil Gracieulx.
C'est bonne achoison.
Toute joye est d'elles guydée.
126 Blazon
Recueil Gracieulx.
Le treschevaleureux Jason Eust-il conqueslé la Toison, N'eust esté la belle Medée.
Beau Parler.
L'histoire au long bien regardée De Paris et la belle Helaine, S'il n'eust la pomme d'or gardée De Venus, et contregardée, En eust-il jouy?
Recueil Gracieulx.
A grant payne
Beau Parler.
La chose est clère et bien certaine Que les dames, au temps passé, Ont eu louange souveraine.
Recueil Gracieulx.
Qui bien les histoires ramaine, Tout y est escript et trassé.
Beau Parler.
Leur bruyt et honneur effacé Jamais ne sera.
Recueil Gracieulx.
Pour certain.
Ung cueur d'amour enlrelassé
DES Dames. ra7
Oncques ne se trouva lassé De les servir.
Recueil Gracieulx.
C'en est le train.
Beau Parler.
Avant que venir au refrain Du propos auquel je me fonde, Qui fut cause, à pur et à plain, Que Saturne, sage et humain, Fut le premier roy en ce monde?
Recueil Gracieulx.
Dame Vesca.
Beau Parler.
Parolle ronde ' , Voyant la beaulté de Saturne Son second filz, nect, pur et munde, Priva Titan lait de faconde, Pour cause et raison oportune.
Recueil Gracieulx.
Jupiter, d'amour taciturne, Ayma moult la belle Danès.
Beau Parler.
Par ung bon advis diulurne.
Par ung prudent veiller nocturne, Judith deffist Holofernès.
