Livre V. Chapitre iv

Mais quand* de ses propres yeux il vid par expérience *Gen.,xLvi, 29, 30. la vérité des grandeurs de ce cher enfant en Gessen, panché sur luy et pleurant asses long tems sur le col d'iceluy : Hé, dit-il, maintenant je mourray joyeux, mon cher filz, puisque- j'ay veu vostre face et que vous vives encores. O Dieu, Theotime, quelle joye, et que ce viellard l'exprime excellemment ! car, que veut-il dire par ces paroles : Maintenant je mourray content, puisque j'ay veu ta face, sinon que son allégresse est si grande qu'elle est capable de rendre joyeuse et aggreable la mort mesme, qui est la plus triste et horrible chose du monde ?

Dites-moy, je vous prie, Theotime, qui ressent plus le bien de Joseph, ou luy qui en jouit, ou Jacob qui s'en res-jouit ? Certes, si le bien n'est bien que pour le contentement qu'il nous donne, le père en a autant et plus que le filz ; car le filz, avec la dignité de vice-roy qu'il possède, a par conséquent beaucoup de soin et d'affaires, mais le père jouit par complaysance et possède purement ce qui est de bon en cette grandeur et dignité de son filz, sans charge, sans soin et sans peyne. Je mourray joyeux, dit-il : helas, qui ne void son contentement ? si la mort mesme ne peut troubler sa joye, qui la pourra donq jamais altérer ? si son ayse vit emmi les détresses de la mort, qui la pourra jamais esteindre ? L' amour est fort comme la mort*, et les allégresses * Cant., vm, 6. de l'amour surmontent les tristesses de la mort, car la mort ne les peut faire mourir, ains les avive : si que, comme il y a un feu qui par merveille se nourrit en une fontayne proche de Grenoble, ainsy que nous sçavons fort asseurement et que mesme le grand saint Augustin atteste *, aussi la sainte charité est si forte qu'elle * De civitate Dei,

, . . , , 1. XXI, c. VII.

nourrit ses flammes et ses consolations emmi les plus tristes angoisses de la mort, et les eaux des tribulations ne peuvent esteindre son feu*. * Cant., vm, 7.

272 Traitté de l'Amour de Dieu