Livre VI. Chapitre iv
bien plus vif et animé que ne fait la simple connoissance
du discours, car l'expérience d'un bien nous le rend
infiniment plus aymable que toutes les sciences qu'on
en pourroit avoir. Nous commençons d'aymer par la
connoissance que la foy nous donne de la bonté de
Dieu, laquelle par après nous savourons et goustons
par l'amour, et l'amour aiguise nostre goust et nostre
goust affine nostre amour : si que, comme nous voyons
entre les effortz des vens les ondes s 'entrepresser et
s'eslever plus haut, comme a l'envi, par le rencontre
qu'elles font l'une de l'autre, ainsy le goust du bien en
rehausse l'amour et l'amour en rehausse le goust, selon
que la divine Sagesse a dit* : Ceux qui me goustent * Eccii., xxiv, 29.
auront encor appétit, et ceux qui me boivent seront
encor altérés. Oui ayma plus Dieu, je vous prie, ou le
théologien Ocham, que quelques uns ont nommé le
plus subtil des mortelz, ou sainte Catherine de Gennes,
femme idiote ? Celuy la le conneut mieux par science,
celle ci par expérience, et l'expérience de celle ci la
conduisit bien avant en l'amour seraphique, tandis que
celuy la, avec sa science, demeura bien esloigné de
cette si excellente perfection.
Nous aymons extrêmement les sciences avant que nous les sçachions, dit saint Thomas*, « par la seule *i* 11^, qu. xxvn, connoissance confuse et sommaire que nous en avons : » et il faut dire de mesme, que la connoissance de la bonté divine applique nostre volonté a l'amour ; mais despuis que la volonté est en train, son amour va de soy mesme croissant par le playsir qu'il sent de s'unir a ce souverain bien. Avant que les petitz enfans ayent tasté le miel et le sucre, on a de la peyne a le leur faire recevoir en leurs bouches, maj^s après qu'ilz ont savouré sa douceur, ilz l'ayment beaucoup plus qu'on ne voudroit et pourchassent esperdument d'en avoir tous-jours.
Il faut néanmoins advoiier que la volonté attirée par la délectation qu'elle sent en son object, est bien plus fortement portée a s'unir avec luy quand l'entendement de son costé luy en propose excellemment la bonté, car elle y est alhors tirée et poussée tout ensemble ;
art. II, ad 2.
3i8 Traitté de l'Amour de Dieu
poussée par la connoissance, tirée par la délectation : si que la science n'est point de soy mesme contraire, ains est fort utile a la dévotion, et si elles sont jointes ensemble elles s'entr'aydent admirablement, quoy qu'il arrive fort souvent que, par nostre misère, la science empesche la naissance de la dévotion, d'autant que la * I Cor., VIII, I. science enfle* et enorgueillit, et l'orgueil, qui est contraire a toute vertu, est la ruine totale de la dévotion. Certes, l'eminente science des Cyprians, Augustins, Hilaires, Chrisostomes, Basiles, Gregoires, Bonaventures, Thomas, a non seulement beaucoup illustré, mais grandement affiné leur dévotion, comme réciproquement leur dévotion a non seulem.ent rehaussé, mais extrêmement perfectionné leur science.
