DU RECUEILLEMENT AMOUREUX DE LAME EN LA CONTEMPLATION

Je ne parle pas icy, Theotime, du recueillement par lequel ceux qui veulent prier se mettent en la présence de Dieu, rentrans en eux mesmes, et retirans, par manière de dire, leur ame dedans leur cœur pour parler a Dieu ; car ce recueillement se fait par le commandement de l'amour, qui, nous provoquant a l'orayson, nous fait prendre ce moyen de la bien faire, de sorte que nous faysons nous mesmes ce retirement de nostre esprit. Mais le recueillement duquel j'entens de parler ne se fait pas par le commandement de l'amour, ains par l'amour mesme ; c'est a dire, nous ne le faysons pas nous mesmes par élection, d'autant qu'il n'est pas en nostre pouvoir de l'avoir quand nous voulons et ne dépend pas de nostre soin, ma3's Dieu le fait en nous, qucind il luy plait, par sa tressainte grâce. Celuy, dit la * CasteU. Animaî, bienheureuse Mère Thérèse de Jésus*, qui a laissé par mansio IV, c. III. escrit que l'orayson de recueillement se fait comme quand un hérisson ou une tortue se retire au dedans de soy, l'entendoit bien ; hormis que ces bestes se retirent au dedans d'elles mesmes quand elles veulent, mais le recueillement ne gist pas en nostre volonté, ains il nous advient quand il plait a Dieu de nous faire cette grâce.

Or il se fait ainsy. Rien n'est si naturel au bien que d'unir et attirer a soy les choses qui le peuvent sentir, comme font nos âmes, lesquelles tirent tous- jours et se rendent a leur trésor, c'est a dire a ce qu'elles ayment.