Livre II. Chapitre xvii

portons est un amour de pure convoitise, car nous ne les aymons pas que pour nostre prouffit. Il y a des biens desquelz nous jouissons, mais d'une réciproque et mutuellement esgale jouissance, comme nous faysons de nos amis ; car l'amour que nous leur portons entant qu'ilz nous rendent du contentement, est voirement amour de convoitise, mais convoitise honneste par laquelle ilz sont a nous et nous également a eux, ilz nous appartiennent, et nous pareillement leur appartenons. Mais il y a des biens dont nous jouissons d'une jouissance de dépendance, participation et sujettion, comme nous faysons de la bienveuillance de nos pasteurs, princes, père, mère, ou de leur présence et faveur : car l'amour que nous leur portons est aussi, certes, amour de convoitise, quand nous les aymons entant qu'ilz sont nos princes, nos pasteurs, nos pères, nos mères, puisque ce n'est pas la qualité de pasteur, ni de prince, ni de père, ni de mère, qui nous les fait aymer, ains parce qu'ilz sont telz en nostre endroit et a nostre regard ; mays cette convoitise est un amour de respect, de révérence, d'honneur ; car nous aymons, par exemple, nos pères, non parce qu'ilz sont nostres, mays parce que nous sommes a eux. Et c'est ainsy que nous aymons et convoitons Dieu par l'espérance : non afïin qu'il soit nostre bien, mais parce qu'il l'est ; non afïin qu'il soit nostre, mais parce que nous sommes siens ; non comme s'il estoit pour nous, mais d'autant que nous sommes pour luy.

Et notés, Theotime, qu'en cet amour ici, la rayson pour laquelle nous aymons, c'est a dire pour laquelle nous appliquons nostre cœur a l'amour du bien que nous convoitons, c'est parce que c'est nostre bien ; mais la rayson de la mesure et quantité de cet amour, dépend de l'excellence et dignité du bien que nous aymons. Nous aymons nos bienfacteurs, parce qu'ilz sont telz envers nous ; mais nous les aymons plus ou moins, selon qu'ilz sont ou plus grans ou moindres bienfacteurs. Pourquoy donq aymons-nous Dieu, Theotime, de cet amour de convoitise ? parce qu'il est nostre

î^ô Traitté de l'Amour de Dieu

bien. Mays pourquoy l'aymons nous souverainement ? parce qu'il est nostre bien souverain.

Or, quand je dis que nous aymons souverainement Dieu, je ne dis pas que nous l'aymions pour cela du souverain amour, car le souverain amour n'est qu'en la charité ; mais en l'espérance l'amour est imparfait, parce qu'il ne tend pas a sa bonté infinie entant qu'elle est telle en elle mesme, ains seulement entant qu'elle nous est telle : et néanmoins, parce qu'en cette sorte d'amour il n'y a point de plus excellent motif que celuy qui provient de la considération du souverain bien, nous disons que par iceluy nous aymons souverainement, quoy qu'en vérité nul, par ce seul amour, ne puisse ni observer les commandemens de Dieu ni avoir la vie éternelle, parce que c'est un amour qui donne plus d'affection que d'effect, quand il n'est pas accompagné de la charité.