CHAPITRE XVII

QUE l'amour d'espérance EST FORT BON QUOY qu'imparfait

L'amour que nous prattiquons en l'espérance, Theotime, va certes a Dieu, mays il retourne a nous ; il a son regard en la divine Bonté, mays il a de l'esgard a nostre utilité ; il tend a cette suprême perfection, mays il prétend nostre satisfaction : c'est a dire, il ne nous porte pas en Dieu parce que Dieu est souverainement bon en soy mesme, mais parce qu'il est souverainement bon envers nous mesmes ; ou, comme vous voyes, il y a du nostre et du nous mesme ; et partant, cet amour est voirement amour, mais amour de convoitise et intéressé. Je ne dis pas, toutefois, qu'il revienne tellement a nous, qu'il nous fasse aymer Dieu seulement pour l'amour de nous : o Dieu, nenny ; car l'ame qui n'aymeroit Dieu que pour l'amour d'elle mesme, establissant la fin de l'amour qu'elle porte a Dieu en sa propre commodité, helas, elle commettroit un extrême sacrilège. Si une femme n'aymoit son mari que pour l'amour de son valet, elle aymeroit son mari en valet et son valet en mari ; l'ame aussi qui n'ayme Dieu que pour l'amour d'elle mesme, elle s'ayme comme elle devroit aymer Dieu, et elle ayme Dieu comme elle se devroit aymer elle mesme.

Mais il y a bien de la différence entre cette parole : j'ayme Dieu pour le bien que j'en attens, et celle cy : je n'ayme Dieu que pour le bien que j'en attens ; comme aussi c'est chose bien diverse de dire : j'ayme Dieu pour moy, et dire : j'ayme Dieu pour l'amour de moy. Car quand je dis : j'ayme Dieu pour moy, c'est comme si je disois : j'ayme avoir Dieu, j'ayme que Dieu soit a moy, qu'il soit mon souverain bien ; qui est une sainte

144 TraittE de l'Amour de Dieu

affection de l'Espouse céleste, laquelle cent fois proteste

par excès de complaysance : Mon Bienaymé est tout

mien, et moy je suis toute sienne, il est a moy et je

♦Gant., II, i6, VI, 2, suis u luy* ; mais dire : i'avTne Dieu pour l'amour de

VII, lO. , ^ .",..,,

moy mesme, c est comme qui diroit : 1 amour que ]e me porte est la fin pour laquelle j'ayme Dieu, en sorte que l'amour de Dieu soit dépendant, subalterne et inférieur a l'amour propre que nous avons envers nous mesmes ; qui est une impieté nompareille.

Cet amour donq que nous appelions espérance, est un amour de convoitise, mais d'une sainte et bien ordonnée convoitise, par laquelle nous ne tirons pas Dieu a nous ni a nostre utilité, mays nous nous joignons a luy comme a nostre finale félicité. Nous nous aymons ensemblement avec Dieu par cet amour, mays non pas nous préférant ou esgalant a luy en cet amour ; l'am-our de nous mesmes est meslé avec celuy de Dieu, mays celuy de Dieu surnage ; nostre amour propre y entre voirement, mais comme simple motif, et non comme fin principale ; nostre interest y tient quelque lieu, mays Dieu y tient le rang principal. Ouy, sans doute, Theotime, car quand nous aymons Dieu comme nostre souverain bien, nous l'aymons pour une qualité par laquelle nous ne le rapportons pas à nous, mais nous a luy ; nous ne sommes pas sa fin, sa prétention ni sa perfection, ains il est la nostre ; il ne nous appartient pas, mais nous luy appartenons ; il ne dépend point de nous, ains nous de luy ; et en somme, par la qualité de souverain bien, pour laquelle nous l'aymons, il ne reçoit rien de nous, ains nous recevons de luy ; il exerce envers nous son affluence et bonté, et nous prattiquons nostre indigence et disette : de sorte que, aymer Dieu en tiltre du souverain bien, c'est rajnner en tiltre honnorable et respectueux, par lequel nous l'advoiions estre nostre perfection, nostre repos et nostre fin, en la jouissance de laquelle consiste nostre bonheur.

Il y a des biens desquelz nous nous servons en les employant, comme sont nos esclaves, nos serviteurs, nos chevaux, nos habitz ; et l'amour que nous leur