Partie II. Chapitre v. Article i
que nous regardions si vostre église est en mesme foy et doctrine que cellela ; et qui nous pourra mieux tesmoigner la foy que l'Eglise suyvoit en ces anciens tems, que ceux qui vivoyent alhors avec elle et en sa table ? qui pourra mieux desduire les deportemens de ceste celest'Espouse, en la fleur de son aage, que ceux qui ont eu cest honneur d'avoir les principaux offices chez elle ? Et de ce costé, les Pères méritent qu'on leur adjouste foy non pour l'exquise doctrine dont ilz estoyent pourveuz, mays pour la realité de leurs consciences, et la fidélité avec laquelle ilz ont marché en besoigne.
On ne requiert pas tant au tesmoin le sçavoir, que la preudhommie et bonne foy. Nous ne les voulons pas icy pour autheurs de nostre foy, mays seulement pour tesmoins de la créance en laquelle vivoyt l'Eglise de ce tems la ; personne n'en peut déposer plus pertinemment qu'eux qui y commandoyent, ilz sont irréprochables de tous costés ; qui veut sçavoir le chemin que l'Eglise a tenu en ce tems la, quil le demande a ceux qui l'ont très fidèlement accompagnée : Saptentiam, omnium antiquorum, exquiret sapiens, et in prophetis vacahit ; narrationem virorum nominatorum
conservabit *. Oyes ce que dict Hieremie ** : Hœc * Eccies^' xxxix.
(^. I, 2.) dicit Dominus : state super vias, et videte et inter- **Cap. vi. f. 16.
rogate de semitis antiquis quœ sit via hona, et am-
bulate in ea, et invenietis refrigerium animabus
vestris ; et le Sage* : Non te prœterea.t narratio *Eccies^'viir. ^. n.
senioruniy ipsi enim didicerunt a patribus suis.
Mays nous ne devons pas seulement honorer leurs tes-
moignages comme très asseurés et irréprochables, ains
encores bailler grand crédit a leur doctrine sur toutes
nos inventions et curiosités. Nous ne sommes pas en
doute si les Pères anciens doivent estre tenuz pour
autheurs de nostre foy, nous sçavons mieux que tous
vos ministres que non ; ni ne sommes pas en dispute
s'il faut recevoir pour certain ce qu'un ou deux Pères
auront eu en opinion. Voicy nostre différent : vous
dites que vous aves reformé vostre église sur le patron
228 Les Controverses
de l'Eglise ancienne ; nous le nions , et prenons a tesmoins ceux qui l'ont veiie , qui Tout conservée , qui l'ont gouvernée ; n'est ce pas une preuve franche et nette de toute supercherie ? icy nous ne produysons û que la preudhommie et bonne foy des tesmoins. Outre cela, vous dites que vostre église a estëe taillée || a la règle et compas de l'Escriture ; nous le nions, et disons que vous aves accourcy, estressy et plié ceste règle, comme faysoyent ceux de Lesbos, pour l'accomoder a vostre cerveau, et... || et reformée selon la vraye intelligence de l'Escriture ; nous le nions, et disons que les anciens Pères ont eu plus de suffisance et d'érudition que vous, et neantmoins ont jugé que l'intelligence des Escritures n'estoit pas telle que vous dittes ; n'est ce pas une preuve très certaine ? Vous dites que selon les Escrittures il faut abolir la Messe ; tous les anciens Pères le nient : a qui croirons nous, ou a ceste troupe d^Evesques et Martirs anciens, j
ou a ceste bande de nouveaux venuz ? voyla ou nous j
en sommes. Or, qui ne voit qu'au premier cas c'est une impudence intolérable de refuser créance a ceste milliade de Martirs, Confesseurs, Docteurs qui nous ont preecedé ? et si la foy de ceste ancienne Eglise nous doit servir de Règle pour bien croire, nous ne sçaurions mieux trouver ceste Règle qu'es escritz et dépositions de ces tressaintz et signalés ayeulz.
