Partie II. Chapitre vi. Article m

sente comme lieutenant ; Eliakim le repraesentoit a l'Eglise Mosaique, et saint Pierre, a l'Eglise Chrestienne. Voyla que c'est qu'importe ceste promesse de donner les clefz a saint Pierre, promesse qui ne fut onques faitte aux autres Apostres : mays je dis que ce n'est pas tout un de promettre les clefz du Royaume, et de dire, quodcumque solveris, quoy que l'un soit explication de l'autre. Et quelle différence y a il ? certes, toute telle quil y a entre la propriété d'une authorité et l'usage : il se peut bien faire qu'un roy vivant, il ait ou la reyne ou son filz qui ait tout autant de pouvoir que le roy mesme a chastier, absoudre, donner, faire grâce ; il n'aura pourtant pas le sceptre, mays l'usage seulement ; il aura bien la mesm'authorité, mays nom pas quand a la propriété, ains seulement quand a l'usage et l'exercice ; tout ce quil aura faict sera faict, mays il ne sera pas chef ni roy, ains faudra quil reconnoisse que son pouvoir est extraordinaire, par commission et délégation, au lieu que le pouvoir du roy, qui ne sera point plus grand , sera ordinaire et par propriété. Ainsy Nostre Seigneur promettant les clefz a saint Pierre, luy remet l'authorité ordinaire, et luy donne cest office en propriété, duquel il declaire l'usage quand il dict, Quodcumque, etc. ; or, par après, quand il faict la promesse aux Apostres, il ne leur donne pas les clefz ou l'authorité ordinaire, mays seulement les authorise en l'usage quilz feront, et en l'exercice des clefz. Ceste différence est prise des termes propres de l'Escriture, car solvere et ligare ne signifie que l'action et exercice, hahere claves , l'habitude. Voyla combien est différente la promesse que Nostre Seigneur fit a saint Pierre, de celle quil fit aux autres Apostres ; les Apostres ont tous mesme pouvoir avec saint Pierre, mays nom pas en mesme grade, d'autant quilz l'ont comme déléguez et commis, et saint Pierre, comme chef ordinaire et officier permanent. Et a la vérité, il fut convenable que les Apostres, qui devoyent par tout planter l'Eglise, eussent tous plein pouvoir et entière authorité d'user des clefz et pour l'exercice d'icelles ; et fut très nécessaire

246 Les Controverses

encores que l'un d'entr'eux en eust la garde par office

et dignité, ut Ecclesia quœ una est, comme dict saint

* Ep. ad jubianum Cvprien *, supcf unufTi, Qui cluvcs cjus acceptt, voce

{a/.Jubaianum.Ep. -^C • • /- 7 ^

Lxxm, § II.) Domtni fundaretur.

ARTICLE IV

DE LA TROYSIESME PROMESSE FAICTE A SAINT PIERRE (i)

Auquel des autres fut il jamais dict : Ego rogavi pro te, Petre, ut non deficiat fldes tua; et tu ali- *Luc. XXII. (y. 32.) quando conversus confirma fratr es ^? certes, ce sont deux privilèges de grande conséquence que ceux ci. Nostre Seigneur, qui devoit maintenir la foy en son Eglise, n'a point prié pour la foy d'aucun des autres en particulier, mays seulement de saint Pierre comme chef : car, quelle rayson penserions nous en ceste prse-

* (Vers. 31.) rogative, Expetivit vos*, tous tant que vous estes,

ego autem rogavi pro te ? n'est ce pas le mettre luy tout seul en conte pour tous comme chef et conducteur de toute la troupe ? Mays qui ne voit combien ce lieu est pregnant a ceste intention ? Regardons ce qui précède, et nous y trouverons que Nostre Seigneur avoit déclaré a ses Apostres quil y en avoit un entr'eux plus grand que les autres, qui major est inter vos, et qui

* Vers. 26. prœcessor'* ; et tout d'un train Nostre Seigneur luy va

dire que l'adversaire cherchoyt de les cribler, tous tant quilz estoyent, et neantmoins quil avoit prié pour luy [en] particulier, affin que sa foy ne manquast. Je vous prie, ceste grâce si particulière et qui ne fut pas *(joan.,xx, 25, 27.) commune aux autres, tesmoin saint Thomas*, ne monstre elle pas que saint Pierre estoit celluy la qui

(i) Voir p. 249, note (i). •