Partie II. Chapitre vu. Article i

Maistre ; lequel quand puys après il luy plaict faire des cures par sa toute puyssance, ou des mutations es choses, ne laysse pas de les faire reconnoistre pour miraculeuses , quoy que la nature secrette en peut faire tout autant, parce qu'ayant faict ce qui surpasse nature, il nous a ja rendus asseurés de sa qualité et de la valeur de la [merveille] : ainsy que quand un homme a faict un chef d'œuvre, quoy quil face puys après plusieurs ouvrages communs, on ne laisse pas de le tenir pour maistre.

En somme, le miracle est une très asseurëe preuve et confirmation en la créance quand c'est un vray miracle , et en quel tems quil soit faict ; autrement il faudroit renverser toute la praedication Apostolique. Il estoit raysonnable qu'estant la foy de choses qui surmontent nature, elle fust averëe par œuvres qui surpassent nature, et qui monstrent que la praedication ou parole annoncée part de la bouche et authorité du Maistre de nature, le pouvoir duquel n'est point limité, lequel se rend par le miracle comme tesmoin de la vérité, soussigné et met son sceau a la parole portée par le preedicateur. Or, semble il que les miracles soyent tesmoignages généraux pour les simples et plus rudes : car chacun ne peut pas sonder l'admirable convenance quil y a entre les Prophéties et l'Evangile, la grande sapience de l'Escriture, et semblables marques illustres qui sont en la Religion Chrestienne, c'est un examen a faire aux doctes ; mays il ni a celuy qui n'appréhende le tesmoignage d'un vray miracle, chacun entend ce langage entre les Chrestiens. Il semble que les miracles ne soyent pas nécessaires, mays ilz le sont a la vérité ; et n'est pas sans cause que la suavité de la divine providence en fournit a son Eglise en toutes les saysons, car en toutes saysons il y a des hérésies, lesquelles bien qu'elles soyent suffisamment rabbatues, voire a la capacité des moindres, par l'antiquité, majesté, unité, catholicisme, sainteté de l'Egalise, si est ce que chacun ne sçait pas priser * (Vide supra, Pars

^ I 1% c. m, a. IV, p.

ces « doiiaires, » comme parle Optatus *, a leur vraye 93. Cf. p. 18.)

valeur, chacun n'entend pas et ne pénètre pas ce langage : mays quand Dieu parle par œuvres, chacun l'entend, c'est une parole commune a toutes nations ; comme l'escriture d'une sauvegarde n'est conneûe d'un chacun, mays si on y voit la croix blanche, les armes du Prince , chacun connoit que le tesmoignage et l'authorité sauveraine y court.