Partie II. Chapitre viii. Article r
nature , est tousjours la mesme , ce sont seulement diverses lumières qui la monstrent a nos entendemens ; la foy nous la monstre sur nature, et l'entendement en nature , mays la vérité n'est jamais contraire a soymesme.
Il Item, Dieu, qui a donné a nos sens leurs propres sentimens et connoissances, pour seconder nature ne permet que jamais ilz soyent trompés quand ilz sont en une droitte application, et nostre expérience prise a part, simple et niie, ne bronche point. || Item, nos sens ne se trompent pas sur leur propre object quand l'application est bien faitte, et nostre expérience prise a part, simple et niie, ne peut estre deceiie : ce sont propositions de la philosophie, qui ont ceste rayson bien asseurëe, c'est que Dieu est autheur de nos sens, et les dresse, comme saint ouvrier et infallible, a leur propre fin et but ; ce sont certes premiers principes, que ceux qui les leveroyent nous leveroyent tout discours et rayson. L'exemple nous fera bien entendre ces propositions. Mon œil se peut tromper, jugeant une chose plus grande qu'elle n'est ; mays la grandeur n'est pas le propre object de mon œil , car il est commun au toucher et a la main : et se peut tromper, estimant le mouvement estre ou il n'est point , comme ceux qui navigent le long de la rive voient, ce leur semble, les arbres et tours se remuer ; mays le mouvement n'est pas propre object de la veiie, le toucher y a part encores : il se peut encores tromper si l'application n'est pas pure ; car, sil y a du verre vert ou rouge en l'entredeux, il pensera vert ou rouge ce qui ne le sera pas.
Au reste, si au jugement du sens et a l'expérience vous y adjoustes du discours et de la conséquence, si vous vous y trompes ne vous en prenes plus au sentiment ni a l'expérience, car elle n'est plus pure ni simple, qui est une des conditions que j'ay mises en mes propositions ; c'est le discours et la conséquence que vous y aves attachée qui vous a trompé. Ainsy les yeux ni l'expérience ne trompoyent pas ceux qui
332 Les Controverses
voyoient et experimentoyent en Nostre Seigneur la forme et manière humayne, car tout cela y estoit, mays quand ilz tiroient de la, conséquence quil n'estoit pas Dieu, ilz se trompoyent. Le sens qui juge qu'a l'autel il y a la rondeur, la blancheur, le goust et saveur du pain, juge bien, mays le discours qui déduit de la que la substance du pain y est encores, tire une très mauvaise et fause conclusion ; delaquelle le sens ne peut mais, qui ne prend point de connoissance sur la substance des choses, mais sur les accidens. De mesme, l'expérience qui nous monstre que nous ne sçavons pas comme ces accidens sont sans leur naturelle substance, est très véritable, mays si nostre jugement tire conclusion de la quil n'en soit rien , il se trompe et nous trompe encores ; et nostre expérience n'en peut mais, qui n'a point touché a ceste conséquence.
L'expérience donques et la connoissance des sens est très véritable, mays les discours que nous en tirons nous trahissent : hors de la, qui combat la connoissance des sens et la propre expérience , combat la rayson et la renverse, car le fondement de tout discours dépend de la connoissance des sens et de l'expérience. Or, combien vos ministres ayent combattu l'expérience, la connoissance des sens et la rayson naturelle, je vous le feray paroistre tout maintenant, pourveu que vous mesmes ne veuilles (^) combattre vostre propre jugement.
(i) Dans l'Autographe, « ne les veuilles ».
