VII. (de Sacram
ce sont les termes du Concile de trente. Le Concile c xi. ne dict pas quil soit requis d'avoir l'intention particulière de l'Eglise, car autrement les Calvinistes, qui n'ont pas intention au Baptesme de lever le péché originel, ne baptiseroyent pas bien, puysque l'Eglise a ceste intention la, mays seulement de faire en gênerai ce que l'Eglise faict quand elle baptise, sans particulariser ni déterminer quoy ni comment. Iteniy le Concile ne dict pas quil soit nécessaire de vouloir faire ce que l'Eglise Romayne faict, mays seulement en gênerai ce que l'Eglise faict, sans particulariser quelle est la vraye Eglise : ains, qui, pensant que l'église prsetendue de Genève fust la vraye Eglise, limiteroit son intention a l'intention de l'église de Genève, se tromperoit si jamais homme se trompa en la connoiss^nçe
358 Les Controverses
de la vraye Eglise, mays son intention suffiroit en cest endroit, puysque encores qu'elle se terminast a l'intention d'une église fausaire, si est ce qu'elle ne s'y termineroit que sous la forme et conception de la vraye Eglise, et l'erreur ne seroit que matériel, non formel, comme disent nos docteurs. Item, n'est pas requis que nous ayons ceste intention actuellement quand nous conférons le Sacrement, mays suffit qu'on puysse dire avec vérité que nous faysons telle et telle cérémonie et disons telle et telle parole, comme jetter l'eau, disans. Je te baptise au nom du Père, etc., en intention de faire ce que les vrays Chrestiens font et que Nostre Seigneur a commandé, quoy que pour Ihors nous ne soyons pas en attention, et ny pensions pas précisément. Comm'il suffit pour dire que je prêche pour servir Dieu et pour le salut des âmes, si Ihors que je me veux prseparer j'ay ceste intention, quoy que quand je suys en chaire je pense a ce que j'ay a dire et a m'en tenir en memoyre, et ne pense plus en ceste première intention : ou comme celuy qui a résolu de donner cent escus pour l'amour de Dieu, puys, sortant de sa mayson pour ce faire, pense a d'autres choses, et néanmoins distribue la somme ; car encores quil n'aye pas la pensée dressée actuellement en Dieu, si ne peut on pas dire quil n'aye son intention a Dieu en vertu de sa première délibération, et quil ne face cest'œuvre de charité délibérément et a son escient. Telle intention est du moins requise, et suffit aussy, pour la collation des Sacremens.
Ores que la proposition du Concile est esclarcie, voyons voir si elle est, comme celle des adversaires, sans fondement de l'Escriture. On ne peut raysonnablement • douter que pour faire la Cène de Nostre Seigneur, ou le Baptesme, il ne faille faire ce que Nostre Seigneur a commandé pour cest effect, et non seulement quil le faille faire, mays quil le faille faire en vertu de ce commandement et institution : car on peut bien faire ces actions en vertu d'autre que du commandement de Nostre Seigneur, comme fairoit un
