Partie III. Chapitre h. Article i

ne pouvoir mieux employer leur pieté et sçavoir, qu'a la défense de celle-là par les mains de laquelle ilz avoyent receu tout leur bien spirituel, le Baptesme, la doctrine Chrestienne et les Escritures mesme. Leurs raysons sont si pregnantes, que si elles estoyent bien balancées et contrepesees a celle des accusateurs, on connoistroit incontinent leur bon calibre : mays quoy ? on a porté sentence sans ouyr partie. N'avons nous pas rayson , tous tant que nous sommes de domestiques et enfans de l'Eglise, de nous porter pour appellans, et nous plaindre de la partialité des juges, laissans a part , pour ceste heure , l'incompétence d'iceux? Donques nous appelions des juges non instruitz a eux mesmes instruitz, et des jugemens faictz partie non ouye, a des jugemens partie ouye, supplians tous ceux qui voudront juger sur ce différent, de considérer nos allégations et probations d'autant plus attentivement , qu'il y gist , non de la condamnation de la partie accusée, qui ne peut estre condamnée par ses inférieurs, mays du damnement ou sauvement de ceux mesmes qui en jugeront.

ARTICLE PREMIER

DU NOM DE purgatoire

Nous soustenons donques que l'on peut prier pour les fidèles trespassés , et que les prières et bonnes actions des vivans les soulagent beaucoup et leur sont prouffitables ; parce que tous ceux qui meurent en la grâce de Dieu , et par conséquent du nombre des esleus, ne vont pas tous de premier abord en Paradis, mays plusieurs vont au Purgatoire, ou ilz souffrent

364 Les Controverses

une peyne temporelle, a la délivrance de laquelle nos prières et bonnes actions peuvent ayder et servir. Et voicy le gros de nostre difficulté. Nous sommes d'accord que le sang de nostre Rédempteur est le vray purgatoire des âmes , car en iceluy sont nettoyées toutes les âmes du monde ; dont saint Pol l'appelle,

* (Vers. 3.) aux Hébreux, premier*, purgationem peccatorum.

facientem : les tribulations aussi sont certains purgatoires, par lesquelz nos âmes sont rendues pures comme

* (Vers. 6.) l'or est affiné en la fournaise ; Ecclesiastici 27*, Vasa

figuli prohat fornax, j'ustos autem tentatio trihulationis : la pénitence et contrition est encores un

* (Vers. 9.) certain purgatoire ; dont David dict, au Psal. 50 *,

Asperges me, Domine, hyssopo, et mundabor : on sçait bien aussi que le Baptesme, auquel nos péchés sont lavés, peut estre appelle purgatoire, et tout ce qui sert a la purgation de nos offenses ; mays icy nous appelions Purgatoire, un lieu auquel, après ceste vie, les âmes lesquelles partent de ce monde avant qu'estre parfaictement espurees des souilleures qu'elles ont contractées, ne pouvant rien entrer en Paradis qui ne soit

* (Apoc, XXI, 27.) pur et net *, sont arrestees pour y estre nettoyées et

purifiées. Que si on veut sçavoir pourquoy ce lieu est plustost appelle simplement Purgatoire que les autres moyens de purgation cy dessus apportés, on respondra que c'est parce qu'en ce lieu la on n'y faict autre que la purgation des taches qui sont demeurées au partir de ce monde, et qu'au Baptesme, pénitence, tribulations et autres, non seulement l'ame s'espure de ses imperfections, mays s'enrichit encores de plusieurs grâces et perfections ; qui a faict laisser le nom de Purgatoire a ce lieu de l'autre siècle, lequel, a proprement parler, n'est pour autre que pour la purification des âmes. Et quand au sang de Nostre Seigneur, nous reconnoissons tellement la vertu d'iceluy, que nous protestons par toutes nos prières que la purgation des âmes, soit en ce monde soit en l'autre, ne se faict que par son application ; plus jaloux de l'honneur deu a ceste pretieuse médecine que ceux qui , pour la