Partie I. Chapitre i. Article iv

bien eux, au moins, qui ont ceste propriété de n'avoir pas estes envoyés ; c'est eux qui prennent leurs langues, et disent y le Seigneur a dict * ; car ilz ne sçau- * Vers. 31. royent jamais monstrer aucune preuve de la charge quilz usurpent, ilz ne sçauroyent produyre aucune légitime vocation, et, donques, comme veulent ilz prêcher? (0 On ne peut s'enrooler sous aucun capitayne sans l'aveii du prince, et comment fustes vous si promtz a vous engager sous la charge de ces premiers ministres, sans le congé de vos pasteurs ordinaires, mesme pour sortir de Testât auquel vous esties nay et nourry qui est l'Eglise Catholique ? Hz sont coulpables d'avoir faict de leur propr'authorité ceste levée de bouclier, et vous de les avoir suyvis ; dont vous estes inexcusables. || Le bon enfant Samuel, humble, doux et saint, ayant esté apellé par trois fois de Dieu, pensa tousjours que ce fut Heli qui l'eut appelle, et a la 4""" seulement s'addressa a Dieu, comm'a celuy qui l'appeloit. Il a semblé par trois foys a vos ministres que Dieu les eust appelle : i. par les peuples et magistratz, 2. par nos Evesques, 3. par sa voix extraordinaire. Non, non, qu'ilz... Il Samuel fut appelle troys fois de Dieu, et selon son humilité il pensoyt que ce fut une vocation d'homme, jusques a tant qu'enseigné par Heli il conneust que c'estoit la voix divine *. Vos ministres , Messieurs , * (l Reg., m, 4 10.) produysent trois vocations de Dieu : par les magistratz séculiers, par les Evesques, et par la voix extraordinaire; ilz pensent que ce soyt Dieu qui les aye apellé en ces troys façons la. Mays non, que maintenant, enseignés de l'Eglise, ilz reconnoyssent que c'est une vocation de l'homme, et que les oreilles ont corné a leur viel Adam, et s'en remettent a celuy qui, comm'Heli, prœside maintenant a l'Eglise.

Et voyla la première rayson qui rend vos ministres et vous aussy, quoy qu'inégalement, inexcusables devant Dieu et les hommes d'avoir laissé l'Eglise.

(i) Cf. art. I, p. 22.