Partie I. Chapitre m. Article i

Ores, l'Eglise estant une mayson et famille, le maistre d'icelle il ne faut pas douter quil ni en a qu'un seul, Jesuchrist , ainsy est elle appellëe mayson de Dieu. Mays ce Maistre et Père de famille, s'en allant a la dextre de Dieu son Père, ayant laissé plusieurs serviteurs en sa mayson, il voulut en laisser un qui fust serviteur en chef, et auquel les autres se rapportassent ; ainsy dict Nostre Seigneur*: Qtiis putas est servus * (Matt., xxiv, 45.) fidelis et prudens, quem. constituit Domimis super familiam suam ? Et de vray, sil ni avoit un maistre valet en une boutique, penses comme le trafiq iroit, sil ni avoit un roy en un roiaume, un paron en un navire, et un père de famille en une famille, et de vray ce ne seroit plus une famille ; mays escoutes Nostre Seigneur, S' Mat. 12 * : Omnis civitas vel domus divisa contra * (Vers. 25.) se non stabit. Jamais une province ne peut estre bien gouvernée d'elle mesme, principalement si ell'est grande. Je vous demande , Messieurs les clair voians , qui ne voules pas qu'en l'Eglise il y ait un chef, me sçauries vous donner exemple de quelque gouvernement d'apparence auquel tous les gouvernemens particuliers ne se soyent rapportés a un ? Il faut laisser a part les Macédoniens, Babiloniens, Juifz, Medes, Perses, Arabes, Siriens, François, Espagnolz, Anglois, et un'infinité des plus remarquables, esquelles la chose est claire. Mays venons aux republiques : dites moy, ou aves vous veu quelque grande province qui se soit gouvernée d'elle mesme? jamais. La plus belle partie du monde fut une fois de la republique des Romains, mais une seule Romme gouvernoit, une seule Athènes, Cartage, et ainsy des autres anciennes^ une seule Venise, une seule Gennes, une seule Lucerne, Fribourg et autres. Jamais vous ne trouvères que toutes les parties de quelque notable et grande province se soient employées a se gouverner soy mesme, mays falloit, faut et faudra que ou un homme seul, ou un seul cors d'hommes residens en quelque lieu, ou une seule ville, ou quelque petite portion d'une province, aye gouverné le reste de la province, si la province estoit grande. Messieurs qui

86 Les Controverses

vous playses es histoires, je suys asseuré de vostre voix, vous ne permettres pas qu'on m'en démente. Mays supposé , ce qui est très faux, que quelque province particulière se fust gouvernée d'elle mesme, comment est ce qu'on le pourroit dire de l'Eglise Chrestienne, laquelle est si universelle qu'elle comprend tout le monde ? comment pourroit elle estre une si elle se gouvernoit d'elle mesme ? autrement, il faudroit tousjours avoir un concile debout de toutes les eveschés, et qui l'advoera? il faudroit que tous les Evesques fussent tousjours absens, et comme se pourroit faire cela? Et si tous les Evesques estoient pareilz, qui les assembleroit ? Mays quelle peyne seroit ce, quand on auroit quelque doute en la foy, de fayre assembler un concile ? Il ne se peut nullement donques fayre, que toute l'Eglise, et chasque partie d'icelle, se gouverne elle mesme sans se rapporter Tune a Tautre.

Or, puysque j'ay suffisamment prouvé quil faut qu'une partie se rapporte a l'autre, je vous demande la partie a laquelle on se doit rapporter. Ou c'est une province, ou une ville, ou un'assemblee, ou un particulier : si c^est une province, ou est elle ? ce n'est pas l'Angleterre, car quand ell'estoit Catholique, ou [lui trouvez-vous ce droit? si vous proposez une autre province,] (0 ou sera elle ? et pourquoy plustost celle la qu'un'autre? outre ce que pas une province n'a jamais demandé ce privilège. Si c'est une ville, il faut que ce soit l'une des patriarchales : ores, des patriarchales il ni en a que cinq, Rome, Antioche, Alexandrie, Costantinople et Hierusalem ; laquelle des cinq ? toutes sont payennes fors Romme. Si donques ce doit estre une ville, c'est Romme, si un'assemblee, c'est celle de Romme. Mais non ; ce n'est ni une province, ni une ville, ni une simple et perpétuelle assemblée, c'est un seul homme chef, constitué sur toute l'Eglise : Fidelis servus (Ubi supra.) et pTudenSj quent constitua Dominus'^\

Concluons donques que Nostre Seigneur, partant de

(i) « quand elle estoit Catholique ou ' ou sera elle »