DES RELIGIEUSES DE LA VISITATION D'ANNECY

not. (2).

• vide p. 180, not.(i). * Henry de Savoye, Duc de Genevois, de Nemours et de Chartres, Marquis de Sainct Sorlin, de Sainct Rambert, Comte de Genève, de Gisors, Baron de Faucigny et Beaufort.

A tous qu'il appartiendra, sçavoir faisons que sur la remonstrance que Nous a esté faicte de la part des Révérendes Dames Religieuses de la Visitation de Nostre ville d'Annessy, contenant que pour avoir moyen de vivre et s'entretenir en ycelle, soubs les règles establies par nostre Sainct Père le Pape, elles ont besoing d'avoir des revenus asseurés et proches de la dicte ville ; et estant informées que Mr An-

•videtom.xiv,P.î9i, thoine de Boege, dict de Contiens *, tient de Nous, soubs grâce de reachept perpétuel, les moulins assis dans Nostre dicte ville d'Annessy, soubs la rivière de Thiouz, proche l'église Saincte Claire, qu'elles ne peuvent commodément avoir sinon qu'il Nous plaise leur permettre d'entrer en Nostre lieu et place ; Nous inclinant volontairement a leur prière, appres avoir ouy les gents de Nostre Conseil près Nostre personne, et désirant de tout Nostre pouvoir l'accroissement et augmentation du culte divin, et préférant la gloire et honneur de Dieu a l'interest particulier des droicts de Nostre domeyne : Avons octroyé et permis, octroyons et permettons par ces présentes aux dictes Dames de la Visitation d'entrer en Nostre lieu et place, et de prendre et retirer les fruicts des dicts moulins, en payant par elles audict de Contiens les sommes portées par son contract d'engaigement du dixhuictiesme janvier mil cinq cents nonante six, et aux charges et conditions portées par yceluy, avec pouvoir de faire en yceux des nouveaux artifices pour la plus grande commodité de Nos subjects.

Sy donnons en mandement a nos chers bien aymés et feaulx

( i) Voir tome XII, note ( i ), p. m.

Lettres et pièces diverses 439

Conseilliez, les gents tenants Nostre Chambre des Comptes de Genevois, de vérifier et interiner ces présentes, et du contenu en ycelles faire souffrir et laisser jouyr pleynement et paysiblement les dictes Dames de la Visitation, sans difficulté; et a nous (sic) advocats et procureurs fiscaulx et domaniaux, d'y prester consentement. Car telle est Nostre volonté.

Faict a Paris, ce vingthuitiesme octobre mil six cents et dix sept.

Henry de Savoye.

Visées, scellées par Monseigneur .