AFFECTIONS QU'IL FAUT FAIRE APRES L/EXAMEN

Apres avoir doucement considéré chaque point de l'examen, et veu a quoy vous en estes, vous viendrés aux affections en cette sorte.

Remercies Dieu de ce peu d'amendement que vous aures treuvé en vostre vie des vostre resolution, et reconnoisses que c'a esté sa miséricorde seule qui l'a fait en vous et pour vous.

Humiliés -vous fort devant Dieu, reconnoissant que si vous n'aves pas beaucoup avancé, c'a esté par vostre manquement, parce que vous n'aves pas fidellement, courageusement et constamment correspondu aux inspirations, clartés et mouvemens qu'il vous a donnés en l'orayson et ailleurs.

Promettes-luy de le louer a jamais des grâces exercées en vostre endroit, pour vous retirer de vos inclinations a ce petit amendement.

Demandes-luy pardon de l'infidélité et desloyauté avec laquelle vous aves correspondu.

Offres-luy vostre cœur afrin qu'il s'en rende du tout (a) maistre.

Supplies-le qu'il vous rende toute fidelle.

Invoques les Saintz, la Sainte Vierge, vostre Ange, vostre Patron, saint Joseph, et ainsy des autres.

(a) du tout — le (A)

Cinquiesme Partie. Chapitre ix. 353