XLIX. Pour la fête de saint Augustin

ceux qui defendoyent la vérité, d'autant qu'il avoit plus d'esgard aux erreurs de sa secte qu'au sens de l'Escriture Sainte laquelle a un langage plus simple que celuy des Manichéens *. Il contestoit encores avec ceux esquels il * Confess,, 1. m, conversoit, parce que, comme il estoit doué d'un grand et ^* ^' bel esprit, il ne vouloit céder à personne, ains pretendoit tousjours avoir le dessus. Or, quoy que son esprit fust non seulement beau ains encores bon et accompagné d'un excellent naturel, si est-ce qu'il avoit enté sur iceluy une très mauvaise plante, à sçavoir la vanité et appétit de sa propre gloire, qui le rendoit hautain, querelleur, envieux, contentieux et tellement amateur de son excellence qu'il surpassoit en cecy les Philippe et les Alexandre desquels les humanistes parlent tant, nous les représentant esgaux en la vaine gloire. Aussi estoyent-ils fiers , bien qu'avec cette différence, qu'Alexandre ne vouloit point recevoir de louanges que pour des choses de grande valeur en elles mesmes, tandis que pour les menues actions qu'il faisoit ou pour les qualités qui estoyent en luy il n'en pretendoit point ; au contraire, Philippe ne tiroit sa gloire que des actions basses et petites, comme à bien sçavoir jouer du luth et telles autres bagatelles *. * piutarchus, Vita

Saint Augustin avoit voirement un courage généreux inuhim^^^'' '^^^^^ comme un autre Alexandre, qui cherchoit de la gloire aux actions hautes et relevées, mais encores en prenoit il aux petites, comme Philippe; et passant plus outre, il en tiroit aussi des choses qui de soy estoyent mauvaises, voire du mensonge mesme, ainsy qu'il le raconte au livre de ses Confessions *. Il dit en eiFect qu'il se glo- ♦ Lib. 11, c. m. rifioit parmi ses compagnons et jeunes libertins en des œuvres très mauvaises, vilaines et insolentes, et qu'il rougissoit de n'avoir commis les mesmes impertinences et meschancetés dont les autres se vantoyent, ayant honte de ne se trouver aussi vicieux. Il disoit avoir fait des insignes meschancetés desquelles il n'estoit point coulpable, à fin de s'en glorifier et estre estimé par ces desbauchés un homme courageux, vaillant et généreux.

Remarquez un peu que c'est des misères de l'esprit

Sermons recueilus

* Cf. Entretien IV, tom.VIhujus Edit.,

* Confess., 1. III,