ET DU TRESPAS TRES AYMABLE DE LA VOLONTÉ

* Act., XII, 6-11. Le grand saint Pierre* estant a la veille d'estre

martyrisé, l'Ange vint en la prison, qu'il remplit toute de splendeur, esveilla saint Pierre, le fit lever, ceindre, chausser, vestir ; luy osta les liens et menottes, le tira hors de la prison, et le mena au travers de la première et seconde garde jusques a la porte de fer qui menoit en la ville, laquelle s'ouvrit devant eux; et ayans passé une rue, l'Ange laissa la le glorieux saint Pierre en pleine liberté, Voyla une grande variété d'actions fort sensibles ; et saint Pierre néanmoins, qui avoit esté esveillé avant toutes choses, ne pensoit pas que ce qui se faisoit par V Ange fust vray, ains estimoit que ce fust une vision imaginaire : il estoit esveillé et ne pensoit pas l'estre, il s'estoit chaussé et vestu et ne sçavoit pas qu'il l'eust fait, il marchoit et n'estimoit pas de marcher, il estoit deslivré et ne le croyoit pas. Et cela, d'autant que la merveille de sa délivrance fut si grande qu'elle occupoit son esprit en telle sorte, qu'encor qu'il eust asses de sentiment et de connoissance pour faire ce qu'il faisoit, néanmoins il n'en avoit pas asses pour connoistre qu'il le faisoit réellement et tout de bon : il voyoit bien l'Ange, mais il ne s'appercevoit pas que ce fut d'une vraye et naturelle vision ; c'est pourquoy il n'avoit nulle consolation de sa délivrance, jusques a ce qu'en revenant a soy : Maintenant, dit-il, je connais en vérité que Dieu a envoyé son Ange, et m'a deslivré de la main d'Herodes et. de toute l'attente du peuple Juif.