Livre IX. Chapitre xiii

dans lequel il est, de mesme, le cœur qui est embarqué dans le bon playsir divin ne doit avoir aucun autre vouloir que celuy de se laisser porter au vouloir de Dieu. Et Ihors, le cœur ne dit plus : Vostre volonté soit faite et non la mienne *, car il n'a plus aucune * Lucae, xxn, 42. volonté a renoncer ; ains il dit ces paroles : Seigneur, je remet^ ma volonté entre vos mains*, comme si * Ps. xxx, 6 ; Lucae, sa volonté n^estoit plus en sa disposition, ains en celle ' de la divine Providence. De sorte que ce n'est pas proprement comme les serviteurs suivent leurs maistres, car encor que le voyage se fasse par la volonté de leur maistre, leur suite toutefois se fait par leur propre volonté particulière, bien qu'elle soit une volonté suivante et servante, sousmise et assujettie a celle de leur maistre : si que tout ainsy que le maistre et le serviteur sont deux, aussi la volonté du maistre et celle du serviteur sont deux. Mais la volonté qui est morte a soy mesme pour vivre en celle de Dieu, elle est sans aucun vouloir particulier, demeurant non seulement conforme et sujette, mais toute anéantie en elle mesme et convertie en celle de Dieu .: comme on diroit d'un petit enfant qui n'a encor point l'usage de sa volonté, pour vouloir ni aymer chose quelcomque que le sein et le visage de sa chère mère; car il ne pense nullement a vouloir estre d'un costé ni d'autre, ni a vouloir autre chose quelcomque sinon d'estre entre les bras de sa mère, avec laquelle il pense estre une mesme chose, et n'est nullement en soucy d'accommoder sa volonté a celle de sa mère, car il ne sent point la sienne et ne cuyde pas d'en avoir une, laissant le soin a sa mère d'aller, de faire et de vouloir ce qu'elle treuvera bon pour luy. C'est certes la souveraine perfection de nostre volonté que d'estre ainsy unie a celle de nostre souverain Bien, comme fut celle du Saint qui disoit * : O Seigneur, * Ps. lxxh, 34. vous m'aves conduit et mené en vostre volonté ; car, que vouloit-il dire, sinon qu'il n'avoit nullement employé sa volonté pour se conduire, s'estant simplement laissé guider et mener a celle de son Dieu ?

i<52 Traitté de l'Amour de Dieu