CONFIRMATION DE CE QUI A ESTÉ DIT PAR UNE COMPARAYSON NOTABLE

Vous sçaves, Theotime, quelles furent les amours de Jacob pour sa Rachel * ; et que ne fit il pas pour en * Gen., xxix. tesmoigner la grandeur, la force et la fidélité, des Ihors qu'il l'eut saluée auprès du puitz de l'abbreuvoir ? Car jamais onques plus il ne cessa de mourir d'amour pour elle ; et pour l'avoir en mariage il servit avec une ardeur nompareille sept ans entiers, luy estant encor ad vis que ce ne fut rien, tant l'amour adoucissoit les travaux qu'il supportoit pour cette bienaymee, de laquelle estant par après frustré, il servit derechef encor sept ans durant pour l'obtenir, tant il estoit constant, loyal et courageux en sa dilection. Puis en fin l'ayant obtenue, il négligea toutes autres affections, ne tenant mesme presqu'aucun conte du devoir qu'il avoit a Lia, sa première espouse, femme de grand mérite et bien digne d'estre chérie, et du mespris de laquelle Dieu mesme eut compassion, tant il estoit remarquable.

Or, après tout cela, qui suffisoit pour assujettir la plus fiere fille du monde a l'amour d'un amant si fidèle, c'est une honte certes de voir la foiblesse que Rachel fit paroistre en l'affection qu'elle avoit pour Jacob "'. La • Ibid., xxx, 14-16. pauvre Lia n'avoit plus aucun lien d'amour avec Jacob

1^8 Traitté de l'Amour de Dieu

que celuy de sa fertilité, par laquelle elle luy avoit fait quatre enfans masles ; le premier desquelz , nommé Ruben, estant allé aux chams en tems de moisson, il y treuva des mandragores, lesquelles il cueillit et dont par après, estant de retour au logis, il fit présent a sa mère. Ce que voyant Rachel : Faites moy part, dit elle a Lia, je vous prie, ma seur, des mandragores que vostre fil\ vous a données. Mais vous semble il, respondit Lia, que ce soit peu d'avantage pour vous de m'avoir ravi les amours pretieuses de fnon mari, si vous n'aves encores les m,andragores de mon enfant ? Or sus, répliqua Rachel, donnes moy donq les mandragores, et qu'en eschange mon mari soit avec vous cette nuit. La condition fut acceptée ; et comme Jacob revenoit des chams sur le soir. Lia, impatiente de jouir de son eschange, luy alla au devant, et puis, toute comblée de joye : Ce sera ce soir, mon cher Seigneur mon ami, que vous seres pour moy, car j'ay acquis ce bonheur par le moyen des mandragores de mon enfant ; et sur cela luy fit le récit de la convention passée entr'elle et sa seur. Mais Jacob, que l'on sçache, ne sonna mot quelconque, estonné, comme je pense, et saisi de cœur entendant l'imbécillité et l'inconstance de Rachel, qui, pour si peu de chose, avoit quitté pour toute une nuit l'honneur et la douceur de sa présence. Car dites la vérité, Theotime ; fut-ce pas une estrange et très volage légèreté en Rachel, de préférer un bouquet de petites pommes aux chastes amours d'un si aymable mari ? Si c'eust esté pour des royaumes, pour des monarchies ; mais pour une chetifve poignée de mandragores ! Theotime, que vous en semble ?

Et toutefois, revenans a nous, o vray Dieu, combien

de fois faisons nous des élections infiniment plus hon-

* Contra Faustum, teuscs et misérables ! Le grand saint Augustin * prit un