Livre X. Chapitre xiii

demeure ; » celle la est si fort amoureuse qu'elle en est

toute jalouse, celle ci n'est point jalouse parce qu'elle

n'est pas amoureuse ; celle ci craint d'estre chastiee, et

celle la craint de n'estre pas asses aymee, ains, en

vérité, elle ne craint pas a proprement parler de n'estre

pas aymee, comme font les autres jalouses qui s'ayment

elles mesmes et veulent estre aymees, mais elle craint

de n'aymer pas asses Celuy qu'elle void estre tant

aymable que nul ne le peut asses dignement aymer

selon la grandeur de l'amour qu'il mérite, ainsy que

j'ay dit n'a guère. C'est pourquoy elle n'est pas jalouse

d'une jalousie intéressée, mais d'une jalousie pure, qui

ne procède d'aucune convoitise, ains d'une noble et

simple amitié : jalousie laquelle par après s'entend

jusques au prochain, avec l'amour duquel elle procède;

car, puisque nous aymons le prochain pour Dieu comme

nous mesmes, nous sommes aussi jaloux de luy pour

Dieu* comme nous le sommes de nous mesmes, de • Il Cor., xi, s.

sorte que nous voudrions bien mourir pour l'empescher

de périr.

Or, comme le zèle est une ardeur enflammée ou une inflammation ardente de l'amour, il a aussi besoin d'estre sagement et prudemment prattiqué ; autrement, sous prétexte d'iceluy, on violeroit les termes de la modestie ou discrétion, et seroit aysé de passer du zèle a la cholere et d'une juste affection a une inique passion : c'est pourquoy, n'estant pas ici le lieu de marquer les conditions du zèle , mon Theotime , je vous advertis que pour l'exécution d'iceluy vous ayes tous-jours recours a celuy que Dieu vous a donné pour vostre conduite en la vie dévote.

314 Traitté de l'Amour de Dieu