PRIVILEGE DU ROY

Louis Par la grâce de Dieu Roy de France et de Navarre. A nos Amez et féaux Conseillers les gens tenans nos Cours de Parlement, de Paris, Tholouse, Rouen, Bourdeaux, Dijon, Aix, Grenoble, Baillifs, Seneschaux, Prévôts desdits lieux, ou leurs lieutenants et autres nos Justiciers et Officiers, qu'il appartiendra, Salut. Nostre cher et bien-amé Pierre Rigaud, Marchand Libraire de nostre Ville de Lyon, nous a fait dire et remonstrer, qu'il désire faire imprimer de nouveau, en beaux, et bons caractères le Livre intitulé, Traicté de l'Amour de Dieu, par François de Sales, Evesque de Genève. Et dautant que pour ce faire, il a cy devant faict de grands frais, et luy en convient encores faire, il nous a tres-humblement requis et supplié de luy en vouloir accorder la permission, et faire deffences à toutes personnes de le troubler en l'impression, et vente dudit livre, sur les peines qu'il nous plairra d'ordonner. Nous à ces causes désirant gratifier ledit Rigaud, et empescher qu'il ne soit privé de son travail et labeur. Vous mandons, ordonnons, et enjoignons par ces présentes, comme nous avons permis et permettons de grâce spéciale audit Rigaud, qu'il puisse imprimer ou faire imprimer, vendre et débiter, tant de fois que bon luy semblera, ledit livre, pendant le temps de Dix ans entiers et consécutifs, à compter du jour et datte que ledit livre sera achevé d'imprimer, faisant pour cet effect tres-expresses inhibitions, et deffences à tous Marchands, Libraires, et Imprimeurs, de nostre Royaume, de n'imprimer ou faire imprimer ledit livre, ny l'exposer en vante : sans l'exprez congé, et permission dudit Rigaud, ou de ceux qui auront droict de luy, sur peine de dix mille livres d'amande, applicable moitié à nous, et l'autre moitié audit suppliant, et confiscation des exemplaires qui seront treuvez avoir esté mis en vente contre la teneur des présentes ; lesquels seront saisis et mis en nostre main, par le premier de nos Juges, Officiers, Huissiers, ou Sergents sur ce requis, luy monstrant ces présentes ou coppie d'icelles, deuëment coUationnées : ausquels donnons pouvoir, commission et mandement spécial, de procéder a l'encontre de tous ceux qui y contreviendront par toutes voyes deuës et raisonnables, nonobstant oppositions ou appellations quelconques, clameur de Haro, Chartre Normande, prise à partie et toutes autres Lettres à ce contraires, ausquelles nous avons dérogé et dérogeons par ces présentes. Et parce que d'icelles ledit suppliant pourra avoir à faire en plusieurs et divers endroits, nous voulons qu'au vidimus d'icelles faict sur le seel Royal, ou par l'un de nos amez et féaux Conseillers, Notaire, et Secrétaire, foy soit adjoustee comme au présent original, et en mettant un brief extrait d'icelle, au commencement ou à la fin de chacun exemplaire, il soit tenu pour bien et deuëment signifié, et comme si c'estoit l'original, afin qu'aucun n'en prétende cause d'ignorance. Car, tel est nostre plaisir. Donné à Tours, le xxviij. jour de Mars, l'an de grâce mil six cents seize, et de nostre règne le sixième, et seelees du grand Seau en cire jaulne.

Par le Roy en son Conseil,

MASCLARY.

Achevé d'imprimer le dernier jour de Juillet, i6i6.