XXIII
* Act., IV, 32.
• Galat., Il, io.
les avoyent portées en mesme occasion. Quand le Sauveur estoit encor petit enfant, le grand Joseph son Père nourricier, et la très glorieuse Vierge sa Mère, l'avoyent porté maintefois, et spécialement au passage qu'ilz firent de Judée en Egypte et d'Egypte en Judée : hé, qui doutera donq que ce saint Père, parvenu a la fin de ses jours, n'ayt réciproquement esté porté par son divin Nourrisson au passage de ce monde en l'autre, dans le sein d'Abraham, pour de la le transporter dans le sien, a la gloire, le jour de son Ascension? Un Saint qui avoit tant aymé en sa vie ne pouvoit mourir que d'amour ; car son ame ne pouvant a souhait aymer son cher Jésus entre les distractions de cette vie, et ayant achevé le service qui estoit requis au bas aage d'iceluy, que restoit-il sinon qu'il dist au Père éternel : O Père, fay accompli l'œuvre que vous m'avies donnée en charge'^; et puis au Filz : O mon Enfant, comme vostre Père céleste remit vostre cors entre mes mains au jour de vostre venue en ce monde, ainsy en ce jour de mon despart de ce monde je remet\ mon esprit entre les vostres *.
Telle, comme je pense, fut la mort de ce grand Patriarche, homme choisi pour faire les plus tendres et amoureux offices qui furent ni seront jamais faitz a l'endroit du Filz de Dieu, après ceux qui furent prattiqués par sa céleste Espouse, vraye Mère naturelle de ce mesme Filz ; de laquelle il est impossible d'imaginer qu'elle soit morte d'autre sorte de mort que de celle d'amour : mort la plus noble de toutes, et deue par conséquent a la plus noble vie qui fut onques entre les créatures, mort de laquelle les Anges mesmes desireroyent de mourir s'ilz estoyent capables de mort. Si les premiers Chrestiens furent ditz n'avoir qu'ww cœur et une ame*, a cause de leur parfaite mutuelle dilection ; si saint Paul ne vivoit plus luy mesme, ains Jésus Christ vivoit en luy *, a rayson de l'extrême union de son cœur a celuy de son Maistre, par laquelle son ame estoit comme morte en son cœur qu'elle animoit, pour vivre dans le cœur du Sauveur qu'elle aymoit ; o
