CHAPITRE IX

COMME LA PURETÉ DE l'iNDIFFERENCE SE DOIT PRATTIQUER

ES ACTIONS DE l'aMOUR SACRÉ

Un musicien des plus excellens de l'univers, et qui jouoit parfaitement du luth, devint en peu de tems si extrêmement sourd qu'il ne luy resta plus aucun usage de l'ouïe ; néanmoins il ne laissa pas pour cela de chanter et manier son luth délicatement a merveilles, a cause de la grande habitude qu'il en avoit, que sa surdité ne luy avoit pas ostee. Mais parce qu'il n'avoit aucun playsir en son chant ni au son de son luth, d'autant qu'estant privé de l'ouïe il n'en pouvoit appercevoir la douceur et beauté, il ne chantoit plus ni ne sonnoit du luth que pour contenter un prince duquel il estoit né sujet, et auquel il avoit une extrême inclination de complaire, accompaignee d'une infinie obligation pour avoir esté nourri des sa jeunesse chez luy : c'est pourquoy il avoit un playsir nompareil de luy plaire, et quand son prince luy tesmoignoit d'aggreer son chant il estoit tout ravi de contentement. Mais il arrivoit quelquefois que le prince, pour essayer l'amour de cet aymable musicien, luy commandoit de chanter, et soudain, le laissant la en sa chambre, il s'en alloit a la chasse ; mais le désir que le chantre avoit de suivre ceux de son maistre luy faisoit continuer aussi attentivement son chant comme si le prince eust esté présent, quoy qu'en vérité il n'avoit aucun playsir a chanter : car il n'avoit ni le playsir de la mélodie, duquel sa surdité le privoit, ni celuy de plaire au prince, puisque

138 Traitté de l'Amour de Dieu

le prince estant absent ne jouissoit pas de la douceur des beaux airs qu'il chantoit.

Mon cœur est prest, Seigneur, mon cœur est dispose De sonner un cantique a ton los composé ; Mon ame et mon esprit volontaire se range

A chanter ta louange.

Sus, sus donq, ma gloire, il se faut resveïller !

* Ps. Lvi, 8, 9. Harpe et psalterion, cessés de sommeiller *.

Certes, le cœur humain est le vray chantre du cantique de l'amour sacré, et il est luy mesme la harpe et le psalterion : or ce chantre s'escoute soy mesme pour l'ordinaire, et prend un grand playsir d'ouïr la mélodie de son cantique ; c'est a dire, nostre cœur aymant Dieu savoure les délices de cet amour et prend un contentement nompareil d'aymer un object tant aymable. Voyés, je vous prie, Theotime, ce que je veux dire : les jeunes petitz rossignolz s'essayent de chanter au commencement pour imiter les grans ; mais estans façonnés et devenus maistres, ilz chantent pour le playsir qu'ilz prennent en leur propre gazouillement, et s'affectionnent si passionement a cette délectation, ainsy que j'ay dit

* Livre V, c. VIII. ailleurs*, qu'a force de pousser leurs voix leur gosier

s'esclatte , dont ilz meurent. Ainsy nos cœurs , au commencement de leur dévotion, ayment Dieu pour s'unir a luy, luy estre aggreables, et l'imiter en ce qu'il nous a aymés éternellement ; mays, petit a petit, estans duitz et exercés au saint amour, ilz prennent imperceptiblement le change, et en lieu d'aymer Dieu pour plaire a Dieu, ilz commencent d'aymer pour le playsir qu'ilz ont eux mesmes es exercices du saint amour, et en lieu qu'ilz estoyent amoureux de Dieu, ilz deviennent amoureux de l'amour qu'ilz luy portent : ilz sont affectionnés a leurs affections, et ne se playsent plus en Dieu, mais au playsir qu'ilz ont en son amour, se contentans en cet amour entant qu'il est a eux, qu'il est dans leur esprit et qu'il en procède ; car encor que cet amour sacré s'appelle amour de Dieu parce que Dieu est aymé par iceluy, il ne laisse pas d'estre ilostre parce que