Rétabli d'après Tédit.de

ET FACECIEUX. 41

bien loing; du Lyon, roy des bestes, qui fist l'asne son lieutenant, et voulut estre roy du tout; de la corneille, qui en chantant perdit son fromage ; de Melusine; du Loup garou, du cuir d' Asnette ', du Moyne bourré 2; des fées 3, et que souventesfois parloit à elles familièrement, mesme la vespree passant par le chemin creux, et qu'il les voyoit dancer au bransle, près la fontaine du Cormier, au son d'une belle veze couverte de cuir rouge, ce lui estoit advis, car il avoit la veuë courte, pource que depuys que Vichot (a) Tavoit abattu de coups de trencne par les fesses, les yeux luy avoient tousjours pleuré : mais que voulez-vous? nous ne nous départons les fortunes. Disoit (en continuant) que en charriant le venoient voir, affermant qu'elles sont bonnes commères, et voluntiers leur eust dit le petit mot de gueule, s'il eust bien osé, ne se deffiant point, qu'elles ne lui eussent joué un bon tour. Aussi que un jour les espia, lors qu'elles se retiroient en leurs caverneux rocs, et que soudain qu'elles approchoient d'une petite motte, elles s'esvanouissoient 4 :

«. Var. : GuevichoU