I. Rabelais cite ce jeu, tout près du lansquenet

d'EUTRAPEL. 201

plein sachet d'escus, et en descousit autant de son pourpoint et chausses. Lupolde que voici, et ses compagnons sollicitez par nous et ces beaux survenus, voyant y avoir à gaigner, sans rien hazarder plus qu'ils ne feroient en vingt ans à battre le texte et la chaire, descousirent aussi de leur part, leurs petits pochons, où reposoit leur argent mignon. Chrestienfaisant le Sur-intendant: Et bien mon amy, dit il à ce jouvenceau, voilà cent escus, couchez en autant : ce qu'il fit à grandes poignées, sans autrement conter, et autant en l'endroit des autres, mesmes des Regens, qui avoit par ensemble boursicoté jusques à six ou sept vingt escus, que ils mirent aussi en contrepoids de bien six cens escus, jurans par les œillades que ces bons supposts leur faisoient, y en avoir autant, et qu'ils ne voudroient aucunement tromper. Chrestien disoit, fie toy en moy, comme en ton père : ce disant et guignans et s'entremarchans sur les pieds, voulans dire. Il est à nous, il est prins : puis aiant Chrestien, après avoir enveloppé et mis tout l'or et l'argent en une serviette, et semblablement comme ce badin regardoit en la rue, renouvelle le jeu, et monstre comme il falloit suposer une carte au lieu de celle qui se devoit deviner, dit ainsi, Mon ami si vous perdez, consentez vous pas que cecy soit nostre ? ouy ouy, respondit il en badinant, et se jouant de sa ceinture : et vous. Messieurs, du pareil, s'il devine bien, voulez vous pas de mesme-f" Ha ! mon Dieu ouy, respondirent ils, abboyans ce gros monceau d'or bien lié et garotté en ceste serviette : et cependant enfermez en la table des deux costez, de peur qu'ils ne se remuassent.

Les cartes ouvertes, fut tiré un As de cœur, (il m'en souviendra toute ma vie) et sur iceluy mis une autre carte : mais le paillard d'affronteur va choisir et deviner ce bel As : et s'estre quant et quant saisy de la serviette, descend plus viste que le pas, chacun se regardant en pitié. Les galans qui tenoient les deux bouts de la table, juransetmaugreans, que ce joueur estoit attitré et apposté par Lupolde et ses complices, eux au contraire protestans ne l'avoir onc veu : et ainsi l'assemblée rompue, nous tirasmes, selon nos marchez, bien cinquante escus pour nostre part, lesquels ne nous firent longue compagnie : car deux ou trois jours après les perdismes chez un Provençal, demeurant en la rue sainct Antoine, contrefaisant le devin, ayant femme et enfans, mais c'estoit une grosse maquerelle, et cinq garces accoustrees en chaperons de velours, lesquelles sous couleur d'Astrologie, on alloit visiter, et jouer à tous jeux : y avoit une chambre pour la Prime ', où les nouvelets estoient misducosté de la muraille, en l'entredeux de laquelle, derrière une tapisserie percée en certains endroits y avoit un regardeur du jeu, lequel marchant sur pédales, qui respondoientsousle pied des joueurs de l'autre costé, leur faisoit entendre les points de partie adverse : où mes compagnons et moy ne durasmes gueres, et estre bien vray, Farine de Diable n'estre que bran, et choses mal acquises devenir à néant. Et ainsi Lupolde, mon bon amy, fut de nostre ruyne payée ton extrême

I . où l'on jouait à la prime ; le flux et la prime sont les deux premiers jeux cités par Rabelais.

d'Eutrapel. 203

avarice : et ainsi ce grand Dieu se vange de ses ennemis, par ses ennemis : mais tu sais combien de fois je t'en ay demandé pardon, et recompensé en maintes sortes. De ce pas m'en allay aux bandes des gens de pied en Piedmond, où j'eu du ma! comme un jeune Diable bachelier et botté. En retournant et revenant en çà, dit Lupolde, avois tu pas le bras gauche plus long que l'autre de demy pied, ratiocinant et haranguant par ces villages, aux bonnes femmes, leur contant tes infirmitez .f" Tu es un habile homme, répliqua Eutrapel, et bon sonneur de Rebec, quanta toy, tu fusses demeuré à garder les oyes : mais moy qui ay l'expérience de la Déesse Nécessité, fis si dextrement mes insinuations et cognoissances, que je ne retournay point en belistre. Vray qu'au bout de la carrière, c'est à dire, quand je fus au bout de mes finances et finesses, je visitois les escoles, où je fessois maistre Laurens Valle', et Epistresde Cicero, pour deux ou trois jours, n'oubliant, non plus que les mendians, me recommander et attraper monnoye : qui me rendit sain et sauf jusques à l'hostel, avec l'espee et dague, bien en point : non pas comme toy, qui vendis dèsPalaiseauton braquemard, revenant de Paris, lors que la peur s'y vint loger, à l'enseigne ^ de l'armée de l'Empereur Charles le quint 3. Je ne

1. Laurent Valla (1406-1457), poète et philologue. L'ouvrage que fessait ou étudiait Eutrapel était sans doute le De Eleganîia lingu£ latin£.