I. Alliage

2^4 Contes et Discours

décousue, Madamoiselle de la boutique, d'une aune de velours, et de cinquante pour cent. Et ayant dit cela pour servir de rempart au mariage d'Eutrapel, qu'il bastissoit peu à peu, pour ne gaster le mystère, s'adressa à luy d'une face pleine de majesté et contenance Royale, la liberté duquel il essayoit une fois le jour esbranler pour tousjours le tenir en haleine, et en le veillant et guerroyant, le rendre et tel façonner, qu'il le peut asseurer en toutes places, pour un brave et entier donneur de resolutions et responses. Je vous voy. lui dit il, en continues et joveuses querelles vous et Lupoldè, et tant indus'trieusement savez eschaper sa cholere, et estes tellement methodic et reiglé en vostre parole, que de luymesme, les armes au poin, rend et offre toute victoire. Et tout ainsi que d'entrée et à la première veue tous animaux mis ensemble, d'une hagarde et contenance estrange se vont halenans ', sautans, grondans, et faisans la roue, jusques à avoir accoustumé leurs naturels ensemble : Ainsi entre vous deux s'est passé de mesme, dissimulans neantmoins de toutes parts, et conduisans, comme advisez, vos humeurs et conditions par divers respects. Si est ce que cognoissant vos forces, je souhaiterois, pour l'aise et contentement de nos esprits user le reste de nos jours ensemble, joyeusement et sainctement, comme l'avons assez bien commencé : Mais Lupolde que voicy et moy sommes mariez (Dieu mercy et vous , dit Lupolde) et vous en vrays et pertinens termes de l'estre ou jamais : voyez si par