Vivant retiré sur ses terres

d'Eutrapel. 271

(car ainsi luy avoit conseillé son procureur feindre son jeu, et faire semblant avoir affaire ailleurs: ou, qui estoit le plus subtil, faire comme les Courtisans de Menedallee, qui allans faire l'amour, se laissent cheoir et veautrer en une mare et bourbier, près la ma'ison de leur maistresse, pour avoir occasion se chauffer, seicher, et changer de chemise) . Et après quelques honnestes importunitez, dont elles le seurent faire descendre de cheval : tous de compagnie, attendans le disner qui s'aprestoit, entrèrent dans les jardins et vergers, devisans de plusieurs choses, entre autres de la conscience, et qu'on ne se pouvoit faire paier du monde, combien que l'année eust esté competamment bonne : que s'il pleuvoit à la sainct George, les cerises seroient en danger, et par advanture le lin, d'autant que les frimats avoient esté grands aux Advents de Noël. Ainsi en contoient les bonnes personnes, sans mal y penser, reservans peut estre l'amour à l'après disnee, lors que la hardiesse vient saisir et assaillir la honte : mais voici le grand coup de partie, haut les bras : car un autre et nouveau poursuivant survient, frais, dehait ', et bien rebrassé, huchant à pleine teste : Où est elle, où est m'amie, où est tout le monde ? hau chambrière, si j'empoigne ton gros, diray je ? et bien, comme te portes tu, et toy valeton ^, boute là ta main, beau sire, et cent escus en l'autre, m'as tu tousjours entretenu en la bonne gracedetu m'en-

1. Dispos, quoique la plupart des glossaires disent le contraire.