I. Régularité

d'Eutrapel. 295

l'amour de nous mesmes, de la jalousie et de l'envie, où nous voyons de grandes peines avoir esté establies. Comme en Genèse de Cam, qui se moqua de son père Noé, et auquel et à sa postérité, qui sont les gens du tiers estât, fut jette une malédiction perpétuelle, de servir à jamais les deux autres ordres de gens : les jeunes gens qui se moquèrent du Prophète Elisée : et David juge celuy estre heureux, qui ne s'est point assis au banc des moqueurs. Car si ce jeune marchant, qui si vivem.ent attacha ' et se moqua d'Octavius, des Princes de son temps le meilleur, en eut autant dit à Néron ou Galba, son procès estoit fait. Ce pauvre gars vint à Rome pour trafiquer, Octavius entendant qu'il luy ressembloit en tout et par tout le fit appeller, luy demandant si autrefois sa mère estoit venue à Rome ? Respondit que non, fort accortement , comme il estoit gaillard et aconché^, trop bien son père y estre diverses fois venu marchander. Ce fut à l'Empereur dire, qu'il en avoit d'une, et que trop enquerre n'est pas bon, se restraindre, et songer que les grands qui sont les premiers veus et escoutez, doivent regardera ce qu'ils disent. Polygame poursuyvoil, mais tirant une œillade obliquement, s'apperceut que Lupolde avoit secrettement prins Eutrapel à la cape : et le prévenant, comme il estoit prudent et réservé, luy en demanda l'occasion, avecques grande instance, ne l'espargner en rien. Je vous