I. Trésoriers

3o8 Contes et Discours

antrement le cognoistre, je m'en vois à la ville me deffaire de ces deux bestes, pour payer le Duc : l'une, monstrant sa femme, en souspirant, pour mettre en service : et l'autre, c'estoit son coq, pour vendre. Et de nostre temps s'est veu l'un des plus grands seigneurs de l'Europe, qui acheta une Escarboucle soixante mille escus , pour donner à certaine personne : l'un de ses Gentilshommes entreprit luy monstrer, par un trait de maistre et brave moquerie, l'importance d'un tel achapt, et ce faisant, le fit passer par une chambre où estoit en monnoie icelle somme contée et esparse à grands monceaux, tout à fait et exprez : Comment, disoit le Prince, ceste chambre n'est le lieu de mes finances ? non respondit le Gentil-homme, mais c'est l'argent de vostre bague ', qu'on veut icy nombrer au marchant. Le Roy, se sentant piqué et attaint au vif, ne dit rien, sinon qu'on cognent bien à sa contenance, que si c'eust esté à refaire, il n'eust pas à l'appétit d'une beste coiffée ^, fait un tel contract : mais, puis qu'il y alloit de sa parole, il le falloit entretenir. Depuis il fut si bon ménager, combien qu'il eust fait et soustenu guerres très grandes, aucunefois gaignant, autrefois perdant, que lors de son decez il fut trouvé en son espargne deux millions d'escus, et sa maison bien ordonnée. Voulez vous (dit Eutrapel) une moquerie, qui rendit un Evesque de ce royaume, Théologien pratic et expérimenté plus en demie

1. Deux coquilles dans l'édition de 1732 ont fait, de ce mot, bahuc, que M. Guichard a dû expliquer par coffre !