Parade, à l'escrime

32 Table des Matières.

souliers avec plusieurs grands mercis, confessant haut et clair, qu'il avoit tort. Lupolde à ce propos dit, que n'a pas long temps une femme du mestier s'esbatoit avec Dom Glaume Fauchoux à la mesme dance du loup, la queue entre les jambes : mais voicy la pitié, car Jean le mary qui venoit du marché tout mouillé hucha dès l'entrée de la court, qu'il mouroit de froid, et qu'on luy fist du feu. La femme pour couper la teste à deux tout d'un coup, et estouper deux pertuis ou trous, ne me chaut lequel, d'une cheville, respond prestement à Jean qui establoit sa jument, que le feu se mouroit, mais je le r'alume : et au paillard, mettez vous en ce van, qui estoit sur deux hauts soliveaux, non terracez, et assez esloignez des sommiers '. Jean arrivé avec l'onglée aux doigts, qui s'accropit vis à vis le feu : voicy aussi Dom Glaume, qui par trop se remuer, tombe van et tout, en belle place, et se relevant vistement, dit : Tenez, voylà vostre van que je vous rends. Ho ho, dit Jean, se tournant au bruit, vous le rendez bien lourdement. La femme, pour aider à tout, dit qu'il estoit une grande année de tels rendeurs, et qu'à prester amis, et rendre ennemis : mais que le moyen estoit ne rien prester que sur gage. Eutrapel dit que la femme d'un Monsieur de Paris, qui savoit, ainsi le cuidoit il, tous les moiens pour empescher que sa femme, qui estoit bien serrée et tenue de court, ne prestat sa feuille de sauge, où les femmes ont logé leur honneur, assez près de Mardy gras : mais il ne