Pierre I", duc de Bretagne

d'Eutrapel. ^17

surnommé Mauclerc, parce qu'il disposoit du bien de sa femme sans le décret et autorité des Estats du pais, porte en termes exprès, Qu'aucun Prince d'icelle terre n'avoit onc, avant luy, fait tel hommage. Les fiscaux ce dit du Moulin ' aux commentaires de Gallus le veulent nier, mais iceluy Contrat que nous avons le porte expressément : Vray que pour mettre un doute, ils ont adjousté, Prout notarié dicebatur: mais tels mots ne sont en l'original. Et de fait, ceste submission est un hommage simple, n'emportant aucune feauté^ ou ligence?.Car comme dit Campegius4, quand le Roy Charles huitiesme promet au Pape qu'il luy prestera toute obéissance personnelle, ne l'offensera en chose que ce soit, et que si aucun luy fait injure, sera tenu le défendre : ce n'est qu'hommage d'alliance et amitié, non servitude de fief, lequel est exclus et esteint par ces mots, Par la grâce de Dieu : qui ne furent onc querellez s aux Princes de ce pais, fors par le Roy Loys onziesme, qui n'y profita rien. Et font tort au Roy ceux qui soustiennent le contraire, la grandeur duquel est, d'avoir en sa maison, de puissantes et souveraines Couronnes, adjointes et annexées à la sienne. Conclusion, dit Eutrapel,

1 . Traicté de l'origine, progrès et excellence du royaume et monarchie des François et couronne de France. Paris, 1 561.