En public

38 Contes et Discours

amy, il y a plus de six ans. Je vous prie, dit il, quand vous le verrez, me recommander à luy : ouy en bonne foy, respondit elle, et à son voisin parle marché '. Ha! ventre saint Keut, répliqua il lors, i'ay perdu ceste cy, aussi bien que mon procès, jamais une fortune ne vient seule : ces gros ventres icy encore que César estimast que là dedans ne logeoient trahisons ne meschancetez, ains en ces meigrets et pasles, ont ordinairement de bonnes atteintes, la ruade seiche, et le coup de partie en la bouche et bien à propos. Il devoit aussi adjouster, dit Polygame, que tels gros tripauts et ventrus ont la nature tellement composée et bien faite, que, eussent ils mangé pierres de taille, tout se convertist en sang, la vraye pasture de joyeuseté et de grand' chère : tesmoin le Roy Loys onziesme quand il festoia les Anglois à Amiens à l'ayde de je ne say combien de gros hommes choisis, qui beuvoient sous la porte, festoians les estrangers, et leur tenans table ronde et ouverte à toutes fins. [Il ne faut pas, dit Eutrapel, que ces preud'hommes se restraignent à faire le petit pain : car ils se verroient ftestrir et diminuer, jusques à devenir à veuë d'oeil secs et physiques 2. Ville au Renard s'est aduisé en cest hyver ne boire plus, et faire grand' chère, comme il souloit faire le fm : mais sur ce changement de vie, il est mort beau sault 5, il cogneut sa faute, mais trop tard : car voulant retourner à son premier mes-