Caresses fausses (patte de velours), V. Rabelais

d'Eutrapel. 91

pagnie de vous voir ainsi familiariser, et asservir vostre grandeur, sans y apliquer ce mot de Monsieur purement et simplement, comme le veut un certain Concile, il estoit bien en seurté n'avoir son verre ou coupe devant luy avec l'hipocras, ains bien loin à quartier, et ne laver ses mains d'eau de senteur comme les autres, et qui pis est, on ne luy disoit adieu ne grand mercy, sinon que par certaine pénitence et contrition il eust dit et prononcé, Adieu Monsieur, le chapeau bien bas : lors il avoit quelque meschant lanternier de cuisine qui le reconduisoit. Somme, quelque douceur et hypocrisie qu'il feignist, et couvast, il aymoit tant ce sot honneur vulgaire, qu'il en brusloit tout vif. C'est un grand mot que Monsieur, dit Polygame, et qui pénètre bien avant aux cerveaux des poursuivans ces vains et caduques honneurs de ce misérable monde, et sous lequel sont beaucoup de gens trompez et abusez, comme il se vid aux dernières guerres, en sept ou huit bons compagnons revenans de l'armée, sans double ne liard, commue l'on sait assez que soldats sont payez en promesses : et de leur part, ils combattent et font la faction de la guerre par belles promesses, et ainsi aille l'un pour l'autre, selon les despens la besongne est faite. Ils n'avoient donc pas un clou , et si falloit passer à grandes journées, ou demeurer à la mercy d'un prevost, qui en attrapoit tousjours quelqu'un des plus escartez, et de ceux qui disent à leur hoste, çà payez l'honneur que vous avez receu en me logeant. Pour faire honorablement leur retraite, chacun d'eux, et par ordre, estoit le Monsieur,

92 Contes et Discours

qui leur succedoit ', assez bien pour le regard des champs, mais aux villes il falloit payer de ce qu'ils avoient peu pratiquer sur le village, sans dire : Je ne cuidois pas : il leur falloit aussi passer par Angers, et illec repaistre sans payer, mais la difficulté estoit en l'indisposition de la bourse et d'argent qui estoit court, pour estre les bourses vuides jusques au fond des finances qu'il convenoit inventer une science pour passer sans tirer à l'escarcelle. Voicy donc qui se présenta tout à propos (ô nécessité que tu as de mains) c'est qu'ils trouvèrent un gros vilain gueux, auquel ils promirent mons et merveilles, s'il vouloit seulement dire ce mot, ita, ita, sans autre parole, et que tous l'appelleroient Monsieur, et seroit comme tel traité à la fourche 2. Le maraut se laissa aller, et bien instruit et accoustré de bons habillemens que la Damoiselle Picoree avoit fait et filé 5, monté sur une vieille mule de bagage, arriva avec son train à la prochaine hostellerie, où descendu reveremment fut conduit en la plus belle et apparente chambre, parce que l'hoste s'estant enquis, avoit ouy que c'estoit un riche Prélat, qui ne vouloit estre cogneu, pour estre luy et les siens mai en point, à cause que ces meschans