I . Et non tout

128 Contes et Discours

diots, lesquels comme recite Plutarque ', estoient ordinairement en grosses querelles et partialitez, mais lorsque les ennemys communs leur venoient sus et assaillir, ils se mettoient et rangeoient tous d'un costé. Et ainsi en firent les peuples Sudraques 2, et de Malian 5, lesquels estoient en guerre perpétuelle : mais soudain qu'Alexandre le Grand essaya les combattre, les séparant, il se les trouva tous contre luy et sur ses bras. Au fort, je ne m'en soucie pas, si, comme dit Aristote (mais il se trompe) tout est opiniable, et disputable, j'estime le jugement de cest affaire indiffèrent, et sujet à circonstances, pour m'apprendre à choisir le party plus équitable, et moins subject à reprehension et syndicat. Tu as bien faict, dict Lupolde, d'acquiescer au plus sain et entier advis : car enfin et pour ,neant m'avois tu couché en ta partie, et de ton costé, mais telles gens comme toy, soustenus seulement et se faisans forts d'un petit babillard et courtisan jugement, se meslent ordinairement d'acrocher quelque bonne et saincte opinion, afin (disoit Plaute) d'estre veus estre quelque chose, en quoy fdit Saluste) ils sont seulement loués par les ignares de leur sorte et calibre, qui par leur impudence non debatue cuydent avoir bien triomphé, et dit chose qui en vaille la peine. Eutrapel se teut, car il n'avoit que tenir, aussi qu'il se voyoit desavoué en sa présence : qui est le fruit que remportent ceux qui s'enga-