Amener un convive

ou Contes nouveaux. 177

à ses pièces, commence à morfier ' et galloper des machouëres, de façon non veuë; tantost la main au verre (car devant que s'assoir, s'estoit saisi d'un broc de vin) tantost au plat, il faisoit rage ; ce qu'apercevans ses compagnons, vindrent par derrière à luy, disans : Mon compagnon, que fais tu? tu gastes tout. Pourquov m'y ameniez vous? disoit Eutrapel. Ouy: mais; disoient ilz, demiz colerez, tu nous fais honte ; par Dieu! tu as tord; mais, pour la pareille, oste toi d'icy. Pardieu, mes compères, mes petitz couillons, je me trouve bien; à quoy m'y ameniez vous? Par la mort de diable, disoit l'un, je voudrais qu'il m'eust cousté ma dague dorée, et n'estre point venu. Je te pry, mon grand amy, ne sois point opiniastre; fay je ne sçay quoy pour l'amour de moy; je te pry, oblige moi. Bren (disoit Eutrapel, qui ne faisoit qu'estourdir les morceaux et leur faire demy façon2, à quoy m'y ameniez vous? Jeté prometz, mon compagnon, mon amy (disoit l'autre) que tu fais tord à ton honneur. Pardieu! mon amy, disoit Eutrapel, à quoy m'y ameniez vous? Voicy, sur ces entrefaites, un bonhomme de maistre d'hostel auquel on avoit dit qu'il estoit arrivé un diable qui mangeoit tout, si on n'y donnoit ordre, lequel avec son saye à bombarde, bonnet à cropiere, gibessiere de fauconnier, et un petit baston à crochet, arriva, et en voix quasse et enrouée : Mon Gentilhomme, dit il,

1 . L'argot a conservé ce mot qui veut dire manger, comme morfiailkr dans Rabelais, Gargantua, c. s.