Grondait

Grongnars, fongnars, hongnars, je prive : Les biens leur sont mal employés,

Roger de Collerye. Bon Temps, ballade.

}o8 Contes et Discours

chees, craignant aussi pareil inconvénient une autre fois arriver, promit à son mary d'une contenance gaye et changée (car d'un traict (a) en matière de femmes issent en mesme instant les pleurs et ris ensemble) ne faire jamais la foie, et qu'elle ne croiroit rien de luy, qui ne fust digne d'estre creu, ou si elle mesme ne le voyoit de ses propres yeux et en personne. En bonne foy m'amie, dit une vieille tante, qui, voyant qu'aussi bien tout estoit perdu et abandonné, avoit triomphé à bien vuider les pots, la jalousie fait plus mourir de femmes, que les femmes ne font mourir d'hommes. Helas! les bons vauriens y prennent plaisir : mais je leur laisseroye si peu de quoy faire en leur escarcelle, et d'ancre au cornet, qu'ils ne peussent voyager ne chevaucher ailleurs. Quand cela est, l'on a beau batre les cloches devant que les paroissiens soient venus : vous m'entendez bien. | Et voudrois par souhait, que tous ces bons gallans, afin de tirer les preuves par leur bouche mesme, tinsent du naturel de Bertran Avenel, ce gentil libraire de Rennes, qui en dormant dict tout ce qu'il aveu et faict le jour : Où il a esté prins quelquefois par sa femme, mais il sçait ses defaictes, et gauchir au coup ', disant par le conseil de son grand amy Du-Ion2, ce docte jeune homme d'issoudin, que ce sont resveries et songes : Et ainsi gaigne pays jusques à la première fois.]

a. Var. : d'un trou (1603 et suiv.).