RONDEAU

Repos éternel donne à cil, Sire, et clarté perpétuelle, Qui vaillant plat ni escuelle N'eut oncques, n'ung brain de percil.

Il fut rez, chief, barbe et sourcil, Comme ung navet qu'on ret ou pelle.

Repos éternel donne à cil.

Rigueur le transmit en exil, Et luy frappa au cul la pelle, Non obstant qu'il dit: ,,fen appelle!" Qui n'est pas terme trop subtil.

Repos éternel donne à cil.

CLXVI Item, je vueil qu'on sonne à bransle

Le gros beffroy, qui n'est de voirre; 1905

Combien qu'il n'est cuer qui ne tremble,

Quant de sonner est à son erre.

Saulvé a mainte bonne terre,

Le temps passé, chascun le scet:

Fussent gens d'armes ou tonnerre, 1910

Au son de luy, tout mal cessoit.

CLXVII Les sonneurs auront quatre miches Et. se c'est peu. demy douzaine; Autant n'en donnent les plus riches.

Mais ilz seront de saint Estienne. 1915

Voilant est homme de grant paine:

L'ung en sera — quant g'y regarde, Il en vivra une sepmaine — Et l'autre? Au fort, Jehan de la Garde.

Le Testament. 95

CLXVIII Pour tout ce fournir et parfaire, 1920

J'ordonne mes exécuteurs, Auxquels fait bon avoir affaire, Et contentent bien leurs debteurs.

Hz ne sont pas moult grans vanteurs, Et ont bien de quoy, Dieu mercisi 1925.

De ce fait seront directeurs . . .

Escry: je t'en nommerai six.

CLXIX C'est maistre Martin Bellefaye, Lieutenant du cas criminel.

Qui sera l'autre? C'y pensoye: 1930

Ce sera sire Colombel.

S'il luy plaist et il luy est bel, Il entreprendra ceste charge.

Et l'autre? Michiel Jouvenel.

Ces trois seulz, et pour tout, l'en charge. 193S

CLXX Mais, ou cas qu'ilz s'en excusassent. En redoubtant les premiers fraiz, Ou totallement récusassent, Ceulx qui s'enssuivent cy après Institue, gens de bien très: 1940

Phelip Brunel noble escuyer.

Et l'autre, son voisin d'emprès.

Si est maistre Jaques Raguier;

CLXXI Et l'autre, maistre Jaques James,

Trois hommes de bien et d'onneur, 1945

Desirans de sauver leurs âmes,

Et doubtans Dieu Nostre Seigneur.

Plus tost y mettroient du leur

Que ceste ordonnance ne baillent.

Point n'auront de contrerolleur, 1950

A leur bon seul plaisir en taillent.