V. 1939. L. virgule après s'enssuivent

CL XX II Des testamens qu'on dit le maistre De mon fait n'aura quid ne quod; Mais ce sera ung jeune prestre, Qui est nommé Thomas Tricot. 1955

Voulentiers beusse à son escot, Et qu'il me coustast ma cornetel S'il sceust jouer à ung tripot, Il eust de moy le Trou Perrete.

CLXXIII Quant au regart du luminaire, 1960

Guillaume de Ru j'y commetz.

Pour porter les coings du suaire.

Aux exécuteurs le remetz.

Trop plus mal me font qu'oncques mais Penil, cheveulx, barbe, sourcilz. 1965

Mal me presse temps: désormais Si crie à toutes gens mercis.

BALLADE

Par laquelle Villon crye mercy à chascun.

A Chartreux et à Celestins,

A mendians et à dévotes,

A musars, à claquepatins, 1970

A servans, à filles mignotes

Portans surcotz et justes cotes,

A cuidereaux d'amours transsis,

Chaussans sans meshaing fauves botes.

Je crie à toutes gens mercis! 1975

A filletes monstrans tetins.

Pour avoir plus largement d'ostes,

A ribleurs, mouveurs de hutins,

A bateleurs traynans marmotes,

A folz, folles, à sots et sotes, 1980

Qui s'en vont siflant cinq et six

A marmosés et à mariâtes,

Je crie à toutes gens mercis!

Le Testament. 97

Si non aux traîstres chiens mastins,

Qui m'ont fait chieres dures crostes 1985

Mascher mains soirs et mains matins,

Guores je ne crains que tr. is croies.

Je feisse pour eulx petz et rotes;

Je ne puis, car je suis assis.

Au fort, pour éviter riotes, 1990

Je crie à toutes gens mercis!

Qu'on leur froisse les quinze castes

De gros mailletz, fors et massis,

De plombées et telz pelottes.

Je crie à toutes gens mercis! 1995

BALLADE