LE DEBAT

DU CUER ET DU CORPS DE VILLON En forme de Ballade.

Qu'est-ce que j'oy?

— Ce suis je.

— Qui?

— Ton cueur, Qui ne tient mais qu'à ung petit filet. 420

Force n'ay plus, substance ne liqueur, Quand je te voy retraict ainsi seulet, Com povre chien tappy en reculet.

— Pour quoy est ce?

— Pour ta folle plaisance.

— Que t'en chault il?

— J'en ay la desplaisance. 425

V. 413. L et jouvenceaux G. P rétablit la leçon du ms. — v, 419. G, P. suis je. L supprime je.

Bibl. rom. 35. 36. 8

1 14 Villon.

Laisse m'en paixl

— Pour quoy?

— J'y penseray.

— Quand sera ce?

— Quant seray hors d'enfance.

— Plus ne t'en dis.

— Et je m'en pas:eray,

— Que penses tu?

— Estre homme de valeur.

— Tu as trente ans.

— C'est l'aage d'ung mullet. 430

— Est ce enfance?

— Nennil.

— C'est donc folleur, Qui te saisist?

— Par où?

— Par le collet, Riens ne congnois.

— Si fais: mouches en let:

L'ung est blanc, l'autre noir, c'est la distance.

— Est ce donc tout?

— Que veulx tu que je tance? 435 Se n'est assez, je recommenceray.

— Tu es perdu 1

— J'y mettray résistance.

— Plus ne t'en dis.

— Et je m'en passeray. '

— J'en ay le dueil; toy, le mal et douleur.

Se feusses ung povre ydiot et folet, 440

Encore eusses de t'excuser couleur:

Se n'as tu soing, tout t'est ung. bel ou let.

Ou la teste as plus dure qu'ung jalet,

Ou mieulx te plaist qu'onneur ceste meschancel

Que respondras à ceste conséquence? 445

Poésies diverses. 115

— J'en seray hors quand je trespasseray.

— Dieu, quel confort I Quelle sage éloquence! Plus ne t'en dis.

— Et je m'en passeray.

Dont vient ce mal?

— Il vient de mon maleur.

Quant Saturne me feist mon fardelet, 450 Ces maulx y meist, je le croy.

— C'est foleur:

Son seigneur es, et te tiens son varlet. Voy que Salmon escript en son rolet:

,, Homme sage, ce dit-il, a puissance Sur planètes et sur leur influence." 455

— Je n'en croy riens; tel qu'ilz m'ont fait seray.

— Que dis tu?

— Dea. Certes, c'est ma créance.

— Plus ne t'en dis.

— Et je m'en passeray.

ENVOI

— Veulx tu vivre?

— Dieu m'en doint la puissance!

— Il te fault...

— Quoy?

— Remors de conscience; 460 Lire sans fin.

— En quoy?

— Lire en science; Laisser les folz!

— Bien j'y adviseray.

— Or le retien!

— J'en ay bien souvenance.

V. 455. G. P. — L sur les pi. et leur influence — v. 461. Z. ? après lire. — „En quoy? — Lire en science" d'après le M s. de Stockholm.

116 Villon.

— N'atens pas tant que viengne à desplaisance. Plus ne t'en dis.

— Et je m'en passeray. 465