DE L'APPEL DE VILLON

(La question que fit Villon au clerc du guichet..

Que vous semble de mon appel,

Garnier? Feis je sens ou folie?

Toute beste garde sa pel;

Qui la contraint, efforce ou lie,

S'elle peult, elle se deslie. 585

Quant donc, par plaisir voluntaire,

Chantée me fut ceste omelie,

Estoit il lors temps de me taire?

Se feusse des hoirs Hue Cappel,

Qui fut extrait de boucherie, 590

On ne m'eust, parmy ce drappel,

Fait boire en ceste escorcherie.

Vous entendez bien joncherie?

Mais quant ceste paine arbitraire

On me jugea par tricherie. 595

Estoit il lors temps de me taire?

Cuidiez vous que soubz mon cappel

Y eust tant de philosophie

Comme de dire: ,J'en appel?"

S'y avoit, je vous certiffie, 600

Combien que point trop ne m'y fîe..

^ sous-titre d'après le Ms. de Stockholm.

Le Jargon. '121

Quant on me dit, présent notaire:

,, Pendu serez I" je vous affie, Estoit il lors temps de me taire?

ENVOI Prince, si j'eusse eu la pépie, 605

Pieça je fausse où est Clotaire, Aux champs debout comme ung espie.

Estoit il lors temps de me taire?