CHANSON
A Claude Bectone, Daulphinoise.
Si Amour n'estoit tant volage Ou qu'on le peust voir en tel aage Qu'il sceust les labeurs estimer.
On pourroit bien sans mal aymer.
Si Amour avoit congnoissance De son invincible puissance, Laquelle il oyt tant reclamer, On pourroit bien sans mal aymer.
Si Amour descouvroit sa veue Aussi bien qu'il faict sa chair nue , Quand contre tous se veult armer, On pourroit bien sans mal aymer.
I . En d'autres termes , il conseille à cette bonne dame de se chercher une dot.
164 B. Des Periers.
Si Amour ne portoit les flèches Dont aux yeux il faict maintes brèches Pour enfin les cueurs consommer, On pourroit bien sans mal aymer.
Si Amour n'avoit l'étincelle, Qui plus couverte et moins se celle, Dont il peust la glace enflammer.
On pourroit bien sans mal aymer.
Si Amour, de toute coustume.
Ne portoit le nom d'amertume, Et qu'en soy n'eiit un doux amer.
On pourroit bien sans mal aymer.
Response.
Si chose aymée est toujours belle, Si la beauté est éternelle.
Dont le désir n'est à blasmer, On ne sçauroit que bien aymer.
Si le cueur humain qui désire En choisissant n'a l'œil au pire Quand le meilleur sçait estimer, On ne sçauroit que bien aymer.
Si l'estimer naist de prudence, Laquelle congnoist l'inaigeuce.
Qui faict l'amour plaindre et pasmer, On ne sçauroit que bien aymer.
Si le bien est chose plaisante, Si le bien est chose duysante, Si au bien se fault conformer. On ne sçauroit que bien aymer.
Brief, puisque la bonté bénigne De la sapience divine Se faict charité surnommer.
On ne sçauroit que bien aymer.
Œuvres diverses. i6^
Chanson.
Par ton regard tu me fais espérer, En espérant m'y convient endurer, En endurant ne me fauit jà complaindre : Car la complaincte ne peult mon mal estaindre; Mais du danger seul me peulx retirer.
Chanson.
Par ton parler me fais en toy fier, En m'y fiant ne me dois soucier, Se souciant on ne faict rien que craindre , Et par la crainte on peult la foy enfraindre : Or )e ne veulx de toy me meffier.
Chanson.
Par ton amour tu m'apprens à aymer.
En bien aymant de nul mal estimer.
En estimant du grand comme du moindre, Et moins n'entendz je en charité me feindre Vers mon prochain, lequel me vient blasmer.
i66 B. Des Periers.
RONDEAULX.
Trop plus qu'heureux je suis par vous, princesse, Car mes soucys langoureux ont prins cesse. Puisqu'il vous plaît pour vostre m'avouer; J'en rimerai doncques, sans m'enrouer, Jusques à tant que vous me disiez : « Cesse! »
Je ne craindray plus ennuy ne destresse, Puisque Dieu m'a donné telle maistresse , Dont ne l'en puis jamais assez louer, Trop plus qu'heureux.
Si vous trouvez en moy d'escrire adresse, Si me gardez du péché de paresse Et que je n'aye appétit de jouer:
Car au labeur me veulx du tout vouer, Pour mieulx servira la vostre noblesse, Trop plus qu'heureux.
A LADiCTE Dame.
Ce m'est assez, en vous très bien servant, Si j'acquiers nom de fidèle servant, Plutost d'effect que non pas de langage; Achevez-moy l'evangelique gage, Qui est avoir la vesture en vivant.
Jà vestu m'a, pour son propre escrivant, Vostre bonté, que je vois observant;
Œuvres diverses. 167
Donnez moy lieu pour vaquer à l'ouvrage. Ce m'est assez.
Ayant servy plusieurs, par cy devant, Où i'ay été indigence esprouvant.
Tant qu'on disoit : « Cestuy là perd son aage »; Dieu, maintenant, d'un royal personnage Face que sois la grâce desservant!
Ce m'est assez.
A Benoist Baumet, Lyonnois.
En court, pour le beau premier^oir.
Couché fuz comme en un pressoir, En lict bien autre que de plume , Un petit plus dur qu'une enclume :
On le peult sentir à s'y seoir.
Mais , sans rien m'en apercevoir, De dormir je feis mon devoir, Nonobstant la neufve coustume, En court.
Il ne m'en doit guères chaloir, Je n'en puis de rien pis valoir, Ainsi que j'espère et présume, Le temps passé je ne résume , Car d'endurer j'ay bon vouloir.
En court.
A Matthieu de Quatre, de la Mastre.
Les aveugles et violeurs , Pour oster aux gens leurs douleurs, Chantent toujours belles chansons;
i68 B. Des Periers.
Et, toutefois, par chantz et sons Hz ne peuvent chasser les leurs.
Ce qu'ilz chantent en leurs malheurs, Ils aiment mieulx que les couleurs, Ou moins qu'enfans longues leçons, Les aveugles.
En chantant ilz pensent ailleurs , Mesmement aux biens des bailleurs; Autrement, chantz leur sont tansons, Et n'en prisent point les façons, Si leurs bissacz n'en sont meilleurs.
Les aveugles.
A LA REINE DE NaVARRE.
Pour passe temps, donc, de votre lictière, Regarderez ceste triste matière, De corps de Christ seconde passion , Dont vous prendrez grande compassion , Quand l'aurez veue et lue tout entière.
C'est povreté, de langueurs courratière, Et de la croix de Christ vraye héritière , Qui vous faict cy sa supplication, Pour passe temps.
Elle ha espoir, la povre irregulière, Considérant la bonté singulière Qui es* en vous , qu'à sa profession Ferez donner quelque perfection; Vous le pouvez, sœur du roy familière, Pour passe temps.
Œuvres diverses. 169
A LA DICTE Dame.
Loysir et liberté , C'est bien son seul désir Ce seroit un plaisir Pour traicter vérité.
L'esprit inquiété Ne se fait que moysir, Loysir et liberté, S'ilz viennent cest esté , Liberté et loysir, Hz la pourront saisir A perpétuité , Loysir et liberté.
