EN TARATANTARA

Caresme prenant, c'est pour vray, le diable, Le diable d'enfer plus insatiable , Le plus furieux, le plus dissolut, Le plus empeschant la voie de salut,

I . On appelle ainsi des vers de dix pieds dont le repos est après le cinquième. Taratantara est un mot de cinq syllabes qui, peut-être, a donné son nom à ce vers, parceque, répété, Il en peint la cadence. On cite parmi les anciens exemples de taratantara: Le jardin amoureux, contenant toutes les règles d'amour ; Lyon , 1501. Néanmoins, Régnier-Desmarais, à une époque relativement moderne, crut avoir, le premier, fait usage de ce rythme Plusieurs poètes modernes l'ont aussi employé, mais, que nous sachions, sans lui donner son nom primitif.

lyo B. Des Periers.

Que diable qui soit au profond manoir

Où se tient Pluton, ce roy laid et noir;

C'est le desbaucheur des malings espritz,

Qui souz forte main sont liez et pris.

Tous ses compagnons, jà meschants d'eulx mêmes,

Enhorte et semond à tous maulx extrêmes ;

Eacus, Minos et Rhadamantus,

Juges infernaulx, du tout se sont teuz,

Quant de loing ont veu Caresme prenant ,

Ce gros diable là, grand à l'avenant,

Qui les invitoit à tous griefz excès,

A vuyder les potz, non pas les procès.

Tisiphone lors ha baillé tes champs,

Et ha suspendu la peine aux meschans,

Lesquelz, pour si peu qu'ilz sont relaschez.

Retournent encor à leurs vieulx péchez.

Elle, pour fournir mieulx aux beuveries,

S'en va amasser toutes les furies,

Avec Lachesis, Clotho, Atropos,

Qui ont bon vouloir à vuyder les potz.

Tantalus y court, afin qu'il desjeune.

Et, maulgré les dieux, il rompt son long jeusne.

L'oyseau qui le cueur à Titius mange

S'en est envolé, craignant la revenge;

Puis il congnoist bien que de chair n'a pas

Assez pour fournir à un tel repas.

Sisyphus se paist et prent ses esbas'

Sans aller quérir sa grand' pierre en bas.

Ixion lié en roue tournant,

S'estant arresté, boit à tout venant.

Brief, les enfers sont sans reigles ne frein,

Par ce diable là, qui les met en train.

Caron , le naucher hydeux et sauvage.

En se reposant boit sur le rivage.

Et ne pensez pas , non , que ce soit eau ,

Car desappuyer ne veult son batteau ,

Qui est soustenu par eau sale et trouble :

Il ayme bien mieulx du vin, voire au double.

Œuvres diverses. 171

Qui luy bailleroit des anniversaires

Tout le revenu, et des mortuaires,

Il ne passeroit point, celle journée,

De qui que ce fust nulle âme damnée.

Dueil s'est esbaudy, et de rage court.

Avec les soucys, en la basse court (')•

Crainte à tous forfaictz et maux s'enhardit ;

Povreté, ayant trop, si se gaudit;

Faim prent les morceaulx que mâcher ne peult,

Et, comme d'estœufz, esbattre s'en veult.

Caresme prenant, qui ne quiert qu'à mordre, Par sa faction met tout en desordre; Et, ayant esmu ainsi les enfers.

Tous ces diabletons, en chaînes et fers, Çà hault a mené en cestuy sot monde.

Pour leur faire veoir un triomphe immunde, De meschanceté un vif exemplaire , Lequel onc ne peut aux vertueux plaire. Lors povres humains, las! trop curieux, Veulent imiter ce tant furieux Diable folloyant : ilz le contrefont, Et se vont vantant que vrayment ilz font Caresme prenant; ilz font donc le diable? Aussi le font ilz, tant soit amyable La vieille façon. Et la quarantaine, Qui s'en vient après, n'est point tant certaine De tous les bienfaictz qu'elle entreprend faire Qu'à tous ces maulx là puisse satisfaire Lesquels en ce jour on commet sans crainte. Où ses biens sont faitz souvent par contraincte. Peult un bien forcé un mal voluntaire Purger devant Dieu.? Je ne m'en puis taire : Chascun à ce jour de riffler s'efforce; Aux autres suyvants on jei^ne par force. Ou , à tout le moins, on faict abstinence. Ou, si vous voulez, on faict contenance;