C'est l'église qu'il entend par ce mot

Cymbalum mundi. 335

me. Or me regarde bien au visage, pour veoir que je deviendray.

Trigabus. Vertu bieu ! qu'est cecy ? quel Proteus ou maistre Gonintues! Comment! tu as tantost eu changé de visage ! Ou tu estois un beau jeune gars, tu t'es faict devenir ung vieillart tout gris. Ha ! j'entendz bien maintenant dont cela procède : c'est par la vertu des motz que je t'ay veu cependant mormonner entre tes lèvres ('). Mais, par le corbieu ! si faut il que tu m'en monstres la science, ou tu ne seras pas mon amy; je payeray tout ce que tu vouldras. S'il advient que je sache une foys cela , et que je prenne tel visage que je vouldray, je feray tant que l'on parlera de moy. Or je ne t'abandonneray jamais que tu ne le me ayes enseigné. Je te supplie, Mercure, mon amy, apprens moy les parolles qu'il fault dire, afin que je tienne cela de toy.

Mercure. Vraiement, je le veulx bien, pource que tu es bon compagnon ; je le t'enseigneray avant que je parte d'avec toy. Allons premièrement aux areines, et puis après je te le diray.

Trigabus. Or bien, je me fie en ta parolle. Voy tu cestuy là qui se promène si brusquement? Je vouldrois que tu l'ouysses un petit raisonner. Tu ne vis oncques en ta vie le plus plaisant ba-

I . Ne reconnoissez-vous pas encore là une parodie de la transfiguration de Jésus-Christ, une ironie du fils qui est égal à son père et aussi vieux que lui , et surtout de la transsubstantiation , et des paroles de la sainte cène et de la messe qui opèrent un changement pareil ; paroles et cérémonies mystiques que Jésus-Christ apprit en effet à ses apôtres, avant de les quitter pour remonter au ciel ? (E. J.)

336 B. Des Periers.

din de philosophe. Il monstre je ne sçay quel petit grain d'areine et dict par ses bons dieulx que c'est de la vraye pierre philosophale , voire et du fin cueur d'icelle. Tien, Là; comment il torne les yeulx en la teste. Est il content de sa personne ! Voy tu comment il n'estime rien le monde au pris de soy ?

Mercure. En voylà ung aultre qui n'est pas moins rébarbatif que luy ('). Approchons nous ung petit, et volons les mines qu'ilz feront entre eulx , et oyons les propos qu'ilz tiendront.

Trigabus. C'est bien dict.

Rhetulus. Vous avez beau chercher, messieurs ; car c'est moy qui ay trouvé la fève du gasteau.

Cubercus. Mon amy, ne vous glorifiez jà tant. La pierre philosophale est de telle propriété , qu'elle pert sa vertu si l'homme présume trop de soy, après qu'il en a trouvé des pièces. Je pense bien que vous en avez; mais souffrez que les aultres en cherchent et en aient aussi bien que vous, si leur est possible. Mercure, qui la nous a baillée, n'entend point que nous usions de ces reprouches entre nous, mais veult que nous nous entraymions l'un l'auhre comme frères (2); car il ne nous a pas mis à la queste d'une si noble et divine chose pour dissension, mais plustost pour dilection. Toutes fois (à ce que je voy) nous faisons tout le contraire (3).

Rhetulus. Or, vous avez beau dire, ce