Imitation de la 36e chanson de Cl. Marot

Pourtant si je suis brunette, Ami, n'en prenez esmoy :

Autant suis ferme et jeunette Qu'une plus blanche que moy.

Cymbalum mundi. 557

Qui est ceste belle jeune fille que je voy làbas en ung verger seuUette ? Est elle point encore amoureuse? Il fault que je la voye en face. Nenny, et toutesfoys je sçay bien que son amy languit pour l'amour d'elle. Ha! vous aymerez, belle dame sans mercy, avant qu'ayez marché trois pas.

Celina. O ingrate et mescognoissante que je suis ! En quelle peine est il maintenant pour l'amour de moy ^ Or cognois je à ceste heure (mais las! c'est bien trop tard) que la puissance d'amour est merveilleusement grande et que Ton ne peult éviter la vengence d'iceluy. N'ay je pas grand tort d'ainsi mespriser et esconduire cestuy qui m'ayme tant, voire plus que soy mesmes ? Veulx je tousjours estre autant insensible qu'une statue de marbre.'' Vivray je tousjours ainsi seullette(";.? Helas ! il ne tient qu'à moy; ce n'est que ma faulte et folle opinion. Ha , petiz oysiilons, que vous me chantez et monstrez bien ma leçon! Que nature est bonne mère, de m'enseigner par voz motetz et petitz jeux que les créatures ne se peuvent passer de leurs semblables ! Or vous feroys je voluntiers une requeste, c'est que vous ne m'importunissiez plus par voz menuz jargons, car j"entendz trop ce que vous voulez dire, et que ne me feissiez plus voir les spectacles de voz amoureux r.ssemblemens, car cela ne me peult resjouyr, ains me faict juger que je suis la plus malheu-

I. Ces mots nous confirment dans l'opinion que Célie est une religieuse repentante d'avoir pour les cloîtres abandonné l'amour.

j^8 B. Des Periers.

reuse créature qui soit en ce monde. Hélas! quand reviendra il, mon amy? J'ay grand paour que je ne luy aye esté si farrouche , qu'il ne retourne plus. Si fera, s'il m'a autant aymée ou ayme encores comme je l'ayme maintenant, il me tarde bien que je ne le voy. S'il revient jamais, je luy serai plus gracieuse et luy feray bien ung plus doul.x racueil et meilleur traictement que je n'ay pas faict par cy devant.

CupiDO. Va, va, de par dieu! va, dict la fillette, Puisque remède n'y puis mettre. . .

Or elle est bien, la bonne dame; elle en a ce qu'il luy en fault.

Mercure. N'est ce pas pitié.'' soit que je vienne en terre, ou que je retourne aux cieulx, tousjours le monde et les dieux me demandent si j'ay ou si je sçay rien de nouveau. Il fauldroit une mer de nouvelles pour leur en pescher tous les jours de fresches. Je vous diray, à celle fm que le monde ayt de quoy en forger et que j'en puisse porter là hault, je m'en voys faire tout à ceste heure que ce cheval là parlera à son palefernier, qui est dessus, pour veoir qu'il dira. Ce sera quelque chose de nouveau, à tout le moins. Gargabanado, Phorbantas, Sarmotoragos^|\ 0 qu'ay je faict! J'ay presque proféré tout hault les parolles qu'il faut dire pour faire parler les bestes. Je suis bien fol , quant je y pense. Si j'eusse tout dict , et qu'il y eust icy quelcun

I. D'après M. Johanneau, ces mots seroient une allusion moqueuse aux paroles sacramentelles de la messe.

Cymbalum mundi. 559

qui m'eust ouy, il en eust peu apprendre la science.

Phlegon le cheval. Il a esté ung temps que les bestes parloyent; mais si le parler ne nous eust point esté osté, non plus qu'à vous, vous ne nous trouveriez pas si bestes que vous faictes.

Statius. Qu'est ce à dire cecy? Parla vertubieu, mon cheval parle!

Phlegon. Voire dea, je parle. Et pourquoy non .f' Entre vous hommes, pour ce que à vous seulz la parolle est demourée, et que nous povres bestes n'avons point d'intelligence entre nous, par cela que nous ne pouvons rien dire, vous sçavez bien usurper toute puissance sur nous, et non seulement dictes de nous tout ce qu'il vous plait , mais aussi vous montez sur nous, vous nous picquez , vous nous battez ; il fault que nous vous portions, que nous vous vestions, quenousvousnourii5sions;et vous nous vendez, vous nous tuez, vous nous mangez. Dont vient cela.f" C'est par faulte que nous ne parlons pas. Que si nous sçavions parler et dire nos raisons, vous estes tant humains (ou devez estre) que après nous avoir ouy, vous nous traicteriez aultrement, comme je pense.

Statius. Par la morbieu! il ne fut oncques parlé de chose si estrange que ceste cy. Bonnes gens, je vous prie, venez ouyr ceste merveille; autrement vous ne le croiryez pas : par le sang bieu, mon cheval parle!

Ardelio. Qu'i a il là, que tant de gens y accourrent et s'assemblent en ung troupeau? Il me fault voir que c'est.

]6o B. Des Periers.

Statius. Ardelio, tu ne sçay pas? par le corbieu, mon cheval parle!

Ardelio. Diz tu ? voylà grand merveille! Et que dict il?

Statius. Je ne sçay, car je suis tant estonné d'ouyr sortir parolles d'une telle bouche, que je n'entends point à ce qu'il dict.

Ardelio. Metz pied à terre et l'escoutons ung petit raisonner. Retirez vous, messieurs, s'il vous plait ; faictes place , vous verrez aussi bien de loing que de près.

Statius. Or ça, que veulx tu dire, belle besîe, par tes parolles ?

Phlegon. Gens de bien, puis qu'il a pieu au bon Mercure de m'avoir restitué le parler, et que vous en voz affaires prenez bien tant de loisir de vouloir escouter la cause d'ung povre animau que je suis, vous devez sçavoir que cestuy mon palefrenier me faict toutes les rudesses qu'il peult, et non seulement il me bat, il me picque, il me laisse mourir de fain, mais

Statius, Je te laisse mourir de fain?

- Phlegon. Voire , tu me laisses mourir de fain.

Statius. Par ta morbieu! vous mentez; et, si vous le voulez soustenir, je vous couperay la gorge (■).

Ardelio. Non ferez, dea. Seriez vous bien si hardy de ruer ung cheval qui sçait parler? Il est pour faire ung présent au roy Ptolomée, le plus exquis qu'on vist jamais; et si vous advertiz bien que tout le trésor de Cresus ne le pourroit pas

I, Allusion aux anathèmes de la papauté.

Cymbalummund!. 361

payer. Pour ce , advisez bien que vous ferez et ne le touschez point , si vous estes sage.

Statius. Pourquoy dict il donc ce qui n'est pas vray ?

Phlegon. Te souvient il point , qaanî dernièrement on t'avoit baillé de l'argent pour la despense de quatre chevaulx que nous sommes, qui tu faisois ton compte ainsi : Vous avez force fein et force paille , faictes grand chère ; vous n'aurez que pour tant d'aveine le jour, la reste sera pour aller banqueter avec m'amye i ').

Statius. Il t'eust myeux valu que tu n'eusses jamais parlé ; ne te soucyes.

Pklegon. Encores ne m'en chault il de tout cela, mais quant je rencontre quelque jument au moys que nous sommes en amour (ce qui ne nous advient qu'une foys l'an), il ne me veult pas souffrir monter sur elle , et toutesfois je le laisse bien tant de foys le jour monter sur moy. Vous , hommes , voulez ung droict pour vous et ung aultre pour voz voisins. Vous estes bien contens d'avoir tous voz plaisirs naturelz , mais vous ne les voulez pas laisser prendre aux autres, et mesmement à nous, povres bestes. Combien de fois t'ay je veu amener des garses en l'estable pour coucher avec toy ? Combien de fois m'a il fallu estre tesmoing de ton beau gouvernement.'' Je ne te vouldrois pas requérir que tu me laissasses ainsi amener des jumens en l'estable pour moy comme tu amaine des garses pour toy ; mais quant

I. On sait qu'à cette époque beaucoup de monastères ne comptoient plus qu'uo petit nombre de moines, qui vivoient dans la privation, tandis que les abbés jouissoieiit de revenus immenses.

^62 B. Des Periers.

nous allons aux champs , tu le me pourrois bien laisser faire (') en la saison, à tout le moins ung petit coup. Il y a six ans qu'il me chevauche, et si ne m'a pas encores laissé faire cela une povre foys.

Ardelio. Par dieu! tu as raison, mon amy, tu es le plus gentil cheval et la plus noble beste que je veiz jamais. Touche là; j'ay une jument qui est à ton commandement. Je la te presteray voluntiers , pour ce que tu es bon compaignon et que tu le vaulx (2). Tu en feras ton plaisir, et, de ma part , je serois très aise et joyeulx si je pouvois avoir de ta semence , quant ce ne seroit jà que pour dire : Voylà de la race du cheval qui parloit.

Statius. Par le corbieu! je vous en garderay bien , puisque vous vous estes meslé de parler si avant. Sus! sus! allons, et vous délibérez de trotter hardiment, et ne faictes point la beste, si vous estes sage, que je ne vous avance bien de ce baston.

/-vRDELio. A dieu, à dieu, compagnon ; te voylà bien peneux de ce que ton cheval a si bien parlé à toy.

Statius. Par la vertu bieu! je l'accoustreray

1 . Faire, dit Falconet , comme les Latins , faccre in re venereà ;VEspàgno\ dit haccrlo. Des Péiiers, dans ses Contes, à\\. faiseur, au même sens que faire est ici ; le pour la chose, trois lignes plus bas il dit cela. Les Latins se servoient à peu près de même du pronon ille. Voy. Scaliger sur Catulle Carm., 8, et D Herald sur res illas d'Anwbe, liv. 3.

2. Les plaintes qu'on vient d'entendre sont claires: la réponse d'Ardelio ( Luther ) ne l'est pas moins ; il annonce qu'il va rendre possible le mariage des prêtres par la réforme dont il est l'auteur.

Cymbalum mundi. 365

bien, si je puis estre à l'estable, quelque parleur qu'il soit.

Ardelio. Or jamais je n'eusse creu qu'ung cheval eust parlé , si je ne l'eusse veu et ouy. Voylà ung cheval qui vault cent milions d'escuz. Cent milions d'escuz ! on ne le sçauroit trop estimer. Je m'en voys conter le cas à maistre Cerdonius ('), lequel ne l'oblira pas en ses annalles.

Mercure. V'oylà desjà quelque chose de nouveau, pour le moins. Je suis bien ayse qu'il y avoit belle compaignie de gens , Dieu mercy ! qui ont ouy et veu le cas. Le bruit en sera tantost par la ville , quelcun le mettra par esciipt , et , par adventure , qui y adjoustera du sien pour enrichir le compte. Je suis asseuré que j'en trouverai tantost la copie à vendre vers ces libraires. Cependant qu'il viendra quelques autres nouvelles , je m'en voys faire mes commissions, et spécialement chercher la trompette de la ville pour faire crier s'il y a personne qui ayt point trouvé ce diable de livre (2).

1. Ce nom, dérivé du grec xtpSo;, gain, lucre, désigne un annaliste à gages qui ne craint pas , pour de l'argent , de raconter dans son histoire toutes sortes de faussetés.

2. Je vois, dit E. Johanneau, dans le rôle que l'auteur fait jouer ici à Mercure, une parodie de celui que l'Evangile prête à Jésus-Christ , qui y dit : « Ne pensez pas que je sois venu apporter la paix en terre ; je n'y suis pas venu apporter la paix, mais l'épee. Car je suis venu mettre la division entre le fils et le père, entre la mère et la fille, entre la bellemère et la belle-fille; et les domestiques de l'homme seront ses ennemis. »

364 B. Des Periers.