Dieu d'Egypte à tète de chien

Cywbalum mundi. 365

que compaignie de gens , le bruyt en seroit desjà jusques aux Indes, et diroit l'on par tout: « Il y a en ung tel lieu ung chien qui parle. » On viendroit de tous les quartiers du monde là oii je seroye, et bailleroit l'on de l'argent pour me veoir et ouyr parler. Et encores ceulx qui m'auroyent veu etouy gaigneroyent souvent leur escot à racompter aux estrangers et aux pays loingtains de ma façon et de mes propos. Je ne pense pas que l'on ait veu chose plus merveilleuse, plus exquise, ne plus délectable. Si me garderay je bien, toutesfoys , de rien dire devant les hommes que je n'aye trouvé premièrement quelque chien qui parle comme moy, car il n'est pas possible qu'il n'en y ayt encores quelc'un au monde. Je sçay bien qu'il ne me sçauroit eschapper si petit mot que incontinent ilz ne courrussent tous à moy pour en ouyr davantage. Et peult estre que , à ceste cause , ilz me voudroyent adorer en Grèce, ainsi que l'on a faict Anubis en Egypte, tant y sont les humains curieux de nouveauté. Or encores n'ay je rien dict et ne diray entre les hommes que je n'aye trouvé quelque chien qui ayt parlé à moy. Toutesfois, que c'est une grand peine de se taire, mesmement à ceulx qui ont beaucoup de choses à dire , comme moy ! Mais voicy que je fay : quant je me trouve seulet et que je voy que personne ne me peut ouyr, je me prens à dire à part moy tout ce que j'ay sur le cueur, et vuyde ainsi mon flux de ventre , je vous dy de langue, sans que le monde en soit abreuvé. Et, bien souvent , en allant par les rues à l'heure que tout le monde est couché, j'appelle pour mon passe temps quelcun de noz voisins par son nom

^66 B. Des Periers.

et luy fay mettre la teste à la fenestre et crier une heure : -(Qui est là?» Après qu'il a prou cryé, et que personne ne luy respond , il se colère, et moy de rire ! Et quant les bons compagnons de chiens s'assemblent pour aller battre le pavé, je m'y trouve voulentiers , affm que je parle librement entre eulx, pour veoir si j'en trouveray point qui entende et parle comme moy, car ce me sercit une grande consolation , et la chose que plus je désire en ce monde. Or, quand nous jouons ensemble et nous mordons l'ung l'autre , je leur dy tousjours quelque chose en l'oreille, les appellant par leurs noms et surnoms, en leur demandant s'ilz parlent point, de laquelle chose ilz sont aussi estonnez que si cornes leur venoyent : car voyans cela ils ne sçavent que penser, si je suis homme desguisé en chien ou chien qui parle. Et afm que je die tousjours quelque chose et que je ne demeure sans parler, je me prens à crier : u Au meurtre ! bonnes gens , au meurtre ! » Adonc tous les voisins s'esveillent et se mettent aux fenestres. Mais quand ilz voyent que ce n'est que mocquerie, ilz s'en retournent coucher. Cela faict , je passe en une aultre rue, et crye tant que je puis : « Aux larrons ! aux larrons ! Les boutiques sont ouvertes! » Cependant qu'ilz se lièvent je m'en voys plus avant , et quant j'ay passé un coing de rue , je commence à crier : « Au feu ! au feu ! le feu est en vostre maison ! » Incontinent vous les verriez tous saillir en place, Les ungs en chemises, les aultres tous nudz, les femmes toutes deschevelées , cryans : « Où est ce ? oi!i est ce .'' » Et quant ilz ont prou esté en ceste sueur et qu'ilz ont bien cherché et regardé

Cymbalummundi. 567

par tout , ilz trouvent à la fin que ce n'est rien , dont s'en retournent achever leurs besongnes et dormir seurement. Puis quant j'ay bien faict toutes lesfollies de mesnuktz i^/r/i:/u«jusquesau chapitre Qui sunt levés et importuni loquutores (■), pour mieulx passer le demourant de mes phantasies , ung peu devant que le jour vienne , je me transporte au parc de noz TOùafites ' faire le loup en, la ^îaJlle ; ou je m'en voys desraciner quelque arbre mal planté, ou brouiller et mesler les filetz de ces pescheurs, ou mettre des os et des pierres au lieu du trésor que Pycargus (^) l'usurier a caché en son champ; ou je voys pisser aux potz du potier et chier en ses beaulx vases; et si d'aventure je rencontre le guet (5), j'en mors trois ou quatre pour mon plaisir, et'puis je m'en fuy tant que je puis, criant: « Qui me pourra prendre, si me prenne ! )> Mais, quoy qu'il en soit, si suis je bien marry que je ne trouve quelque compaignon lequel sçache aussi parler. Toutesfois si ay je tonne espérance d'en trouver, ou il n'y en aura point au monde. Voylà Gargilius (4) avec tous ses chiens qui s'en va à la chasse. Je m'en voy esbattre avec eulx, affin de sçavoir s'il en y a point en la compaignie quelcun qui parle. « Dieu gard les com-