A TRES ILLUSTRE PRINCESSE

MARGUERITE DE FRANCE Royne de Navarre

Antoine Du Moulin, S.

^ÀVsSTJ yant ouy plusieurs fois dire à Bonaventure fj^^M Des Periers , peu de moys avant son tres- Ifî/^^.^ pas, aue son intention estoit que vous, ork^iM très illustre Royne , fussiez héritière des siens petiz labeurs; lesquelz il ne doubtoit point que ne acceptissiez de celle prompte volunté que vous «ivfzfaict les œuvres de maints autres, qui n'ont pensé nii:ulx employer ailleurs les fruictz de leurs engins ; m us estant advenu en la personne dudit Bonaventure Il ffaict du proverbe commun qui dit que l'homme pr-'ipose et Dieu dispose, Mort implacable, implacal !l- Mort l'a surpris au cours de sa bonne intention , lorsqu'il estoit après à dresser et à mettre en ordre ses compositions, pour les vous offrir et donner, luy vivant. Il n'a donques peu veoir l'effaict de ses ardens vœux accomply, très illustre Dame; et ce certes j'es-

4 B. Des Periers.

time une très grande perte et dommaige au monde, de n'avoir point eu, jusques icy, la lecture de si divines conceptions. Et quant à moy, de tant que j'ay esté de ses plus intimes et familiers amys , les yeux de mon cœur en larmoyant largement toutesfois et

Suantes (et ce advient très souvent) que la recordation u deffunct me passe par la mémoire ; voire tant me remplit elle de désirs, revocans tout à coup l'amy trespassé en vie, que je suis présentement forcé pour ma consolation , et de ceulx qui ont esté ses amys , de mettre en lumière ses elegans et beaulx escriptz , reliques vrayement sacrées (comme l'on pourroit dire) et tirées du buste et feu de leur seigneur; en quoy faisant, très illustre Royne , je donne réfrigère à mon ame , et quant et quant je satisfais aux supresmes intentions de vostre serviteur, en vous signifiant et déclarant héritière universelle des petitz biens par luy délaissez, lesquels eussent (s'il eust vescu plus longuement) neantmoins estez de bien plus grande estime; parce mesmement qu'il les eust mis en leur entière perfection et grâce, puis, à la mode des autres, en eust posée la liste et roolle en l'arc d'éternité , vostre temple en la veuë des hommes et hors neantmoins à jamais du danger et calumnies de l'envie , laquelle n'addresse ses pas où elle entend que vostre haulte vertu seigneurie, où elle congnoist la force de voz rempars, et où elle sent, tant soit peu, l'odeur de ces vertuz et excellences vostres, desquelles est embelly et orné le monde. Recevez doncques, très illustre Hoyne, la belle présente hoirie telle qu'elle est, et ne prenez garde si elle n'y est toute entière; puisque ce n'est pas le larcin d'autre que de l'envieuse Mort, qui encores taschoit (si je ne fusse) d'ensevelir en éternel oubly les œuvres avec le corps; car j'espère qu'à vostre faveur nous recouvrerons partie de ces nobles reliques, desquelles aussi (à ce que j'ay ouy dire au deffunct) avez bonne quantité rière vous; et partie en y ha d'un mien congneu à Montpelier.

Œuvres diverses. 5

Si mes désirs en ce sortent effect , les aura le monde assez prochainement; et de ce Dieu le créateur et vous, très illustre Royne, me donnent la grâce.

De Lyon, ce dernier jour d'aoust , M.D.XLIIII.

Ce naturel esprit, quel qu'il soit, que la bonté de Dieu a ottroyé à Bonaventure Des Periers, soustenu de la royalle munificence, appent reveremment ce petit vœu au.x honnorez piedz de la sacrée imaige de très illustre Marguerite de Valois, royne de Navarre , le vray appuy et entretenement des vertus (i).

1. En tête des Amours de Ronsard se trouve une petite pièce de ce genre écrite en vers , et Colletet , dans ses Vies des poètes françois t . 2, p. 271, ms. de la Bibl. du Louvre, f. 2398, i), fait remarquer qu'elle a dû être inspirée par le vœu des Œuvres diverses de Des Périers. L'on en connoît d'autres imitations du même temps.

Le Discours